قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ «100 ناقتى قادام» ۇلت جوسپارىندا ايقىندالعان باستى مىندەتتىڭ ءبىرى كاناداداعى Canada Service جانە اۆسترالياداعى Centrelink ۇلگىسى بويىنشا مەملەكەتتىك قىزمەتتەردىڭ ءبىرىڭعاي پروۆايدەرىنە اينالاتىن "ازاماتتار ءۇشىن ۇكىمەت" مەملەكەتتىك كورپوراسياسىن قۇرۋ بولاتىن. بۇگىندە بۇل باعىتتا جامبىل وبلىسىندا اتقارىلعان جۇمىستار ءوزىنىڭ وڭ ناتيجەسىن بەرىپ وتىر. اسىرەسە، «ەلەكتروندى ۇكىمەت» پورتالىنىڭ جۇرتشىلىققا تيگىزىپ وتىرعان پايداسى كوپ.

-ەلەكتروندىق تۇردە كورسەتىلەتىن مەملەكەتتىك قىزمەتتەردىڭ كوپتەگەن ارتىقشىلىقتارى بار. ەڭ باستىسى، بۇل ۋاقىت ۇنەمدىلىگى، مەملەكەتتىك قىزمەتتەردى الۋ ءۇشىن ءۇيىڭىزدى نەمەسە جۇمىس ورنىن تاستاپ كەتۋدىڭ قاجەتى جوق.

جوعارىدا اتالعان باعىت بويىنشا حالىق اراسىندا ناسيحات جۇمىستارىن جۇرگىزۋ بارىسىندا بيىلعى جىلى مەملەكەتتىك كورپوراسيا ارقىلى كورسەتىلگەن ەلەكتروندى قىمەت سانى 3 ەسەگە ازايدا دەۋگە بولادى، مىسالى 2019 جىلدىڭ 8 ايىندا 810 092 قىزمەت، ونىڭ ىشىندە 189 919 – ى ەلەكتروندى نەگىزدە كورسەتىلسە، 2018 جىلدىڭ 8 اي قورىتىندىسى بويىنشا كورسەتىلگەن قىزمەت سانى 585 183 بولعان،-دەيدى «ازاماتتارعا ارنالعان ۇكىمەت» مەملەكەتتىك كورپوراسياسى جامبىل وبلىسى بويىنشا فيليالى ديرەكتورىنىڭ ورىنباسارى دانيار مەدەتبەكوۆ.

حالىققا قىزمەت كورسەتۋ باعىتى بويىنشا بولىمدەردە مەملەكەتتىك قىزمەتتى وزدىگىنەن الۋ ءۇشىن «Connection point» وزىنە-وزى قىزمەت ەتۋ سەكتورى جۇمىس اتقارۋدا. بۇل سەكتوردىڭ نەگىزگى ماقساتى: حالىقتى «ەلەكتروندىق ۇكىمەت» پورتالىنىڭ مۇمكىنشىلىكتەرىمەن تانىستىرىپ، ەلەكتروندىق سيفرلىق قولتاڭبا ارقىلى اقپاراتتىق انىقتامالار مەن ەلەكتروندىق قىزمەتتەر الۋعا مۇمكىندىك جاساۋ.

2019 جىلى سەكتورلار ارقىلى 745 700 قىزمەت كورسەتىلىپ، 810 956 كەڭەس بەرىلگەن. 2018 جىلدىڭ كورسەتكىشىمەن سالىستىراتىن بولساق، 2018 جىلى 443 324 قىزمەت كورسەتىلىپ، 562 736 كەڭەس بەرىلگەن. ياعني قازىرگى تاڭدا قالالىق جانە اۋداندىق بولىمدەر جەرگىلىكتى اكىمدىكپەن بىرلەسە وتىرىپ، بەكىتىلگەن كەستەگە سايكەس ۋاكىلەتتى ورگاندارعا، وقۋ ورىندارىنا، ساۋدا ورىندارىندا، باسقا دا ءتۇرلى مەكەمەلەرگە بارىپ وقىتۋ جۇمىستارىن جۇرگىزۋ ناتيجەسى بويىنشا ءوز بەتىنشە قىزمەت الاتىن حالىق سانى ارتۋدا.

حالىقتىڭ سيفرلىق ساۋاتتىلىعىن ارتتىرۋ ماقساتىندا كورپوراسيا ماماندارى 2019 جىلى 1388 مەكەمەگە شىعىپ، 145 695 تۇرعىنعا كەڭەس بەرگەن.