شىعىس قازاقستان بويىنشا كورۋ قابىلەتى ناشار بالالارعا ارنالعان جالعىز جالعىز وقۋ ورنىنىڭ نەگىزى 1979 جىلى قالانعان. وسىنداي وقۋ ورنىن اشۋ يدەياسى وفتالمولوگ  كاراتىش ليۋدميلا پاۆلوۆناعا تيەسىلى. ول كەزدە ناشار كورەتىن بالالار كوپ بولدى. سول ءۇشىن دە ولارعا ءىرى قارىپپەن ارنايى وقۋلىقتار جانە وقىتۋدىڭ ەرەكشە ادىستەمەسىمەن قامتاماسىز ەتۋ قاجەتتىگى تۋىندادى.

وسىلايشا، 1979 جىلدىڭ تامىز ايىندا ناشار كورەتىن بالالارعا ارنالعان مەكتەپ-ينتەرناتىن اشۋ تۋرالى شەشىم قابىلداندى. 15 قازاندا ونىڭ اشىلۋى ءوتتى. جىل باسىندا 15 وقۋشى، ال وقۋ جىلىنىڭ سوڭىندا 75-كە كوبەيدى.

قازىرگى ۋاقىتتا مەكتەپ-ينتەرناتتا ءارتۇرلى كورۋ پاتولوگياسى بار 150 وقۋشى ءبىلىم الۋدا.

وقىتۋ ورتوپتيكالىق كابينەتتە، فيزيوكابينەتتە ەمدەلۋمەن قاتار وتەدى. بالالارعا ارنالعان 25 كابينەت، 9 جاتىن بولمە، پسيحولوگ كابينەتى، كورۋ قابىلداۋىن تۇزەتۋ، ەمدىك، دەنە شىنىقتىرۋ، زاماناۋي تەحنيكامەن جابدىقتالعان كىر جۋاتىن بولمە، اسحانا، مەديسينالىق كابينەت، كىتاپحانا جانە اكت زالى بار.

2001 جىلدان باستاپ مەملەكەتتىك تىلدە وقىتاتىن سىنىپتارعا بالالار قابىلداندى.

مەكتەپ-ينتەرنات ۇجىمى ۇنەمى جاڭا ادىستەر مەن جۇمىس تۇرلەرىن ىزدەستىرىپ، جاڭا عىلىمي ازىرلەمەلەردى ۇنەمى جاڭارتىپ وتىرادى. 2012 جىلى انكارا قالاسى جانە سەمەي قالاسى  تيفلوپەداگوگيكا بويىنشا بىلىكتىلىكتى ارتتىرۋ كۋرستارى ۇيىمداستىرىلدى.

– ءبىزدىڭ وقۋشىلارىمىز وتە بەلسەندى. باسىم كوپشىلىگى شىعارماشىلىقپەن اينالىسىپ،  رەسپۋبليكانىڭ عانا ەمەس، سونىمەن قاتار ودان تىس جەرلەردە  بايقاۋلارعا، سپورتتىق جارىستارعا، پاندىك وليمپيادالارعا قاتىسادى. 2013 جىلى ءبىزدىڭ وقۋشىلار ۆارشاۆا قالاسىندا وتكەن "زياتكەرلىك مارافون" حالىقارالىق وليمپياداسىنا قاتىسىپ، كوماندالىق ەسەپتە 3-ورىنعا يە بولدى. 2013 جىلى استانا قالاسىندا وتكەن "اقىلدىلار "ينتەللەكتۋالدىق مارافونى" رەسپۋبليكالىق وليمپيادادا سامارحانوۆ دامير جەڭىمپاز اتاندى.

مەكتەپتە سپورتتىق سەكسيالار جۇمىس ىستەيدى. ماسەلەن ۇستەل تەننيسى، "توعىز قۇمالاق" ۇلتتىق ويىنى، شاحمات. دومبىرا، ۆوكال، بي، "شەبەر قولدار"، "جاس سۋرەتشى" جانە ت.ب. ۇيىرمەلەر جۇمىس ىستەيدى. ءبىزدىڭ بالالار شاحمات-دويبى تۋرنيرىندە، وبلىستىق جانە رەسپۋبليكالىق جارىستاردا توعىزقۇمالاقتان جۇلدەلى ورىندارعا يە بولدى، – دەدى مەكتەپ-ينتەرناتىنىڭ ديرەكتورى اكرام قاليعوجين.

مەرەيتوي قۇرمەتىنە مەكتەپتە سەمينار ءوتتى. وعان نۇر-سۇلتان، الماتى، شىمكەنت قالالارىنان كەلگەن ماماندار قاتىستى. وقۋ ورنىندا اشىق ساباقتار ءوتىپ، وقۋشىلار شىعارماشىلىقتارىمەن ءبولىستى.

سەمەي قالاسىنىڭ اقپاراتتىق ورتالىعى