ەلباسى-قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ ازاتتىقتىڭ العاشقى جىلدارىنان ءبىلىم سالاسىن دامىتۋ ماسەلەسىنە ايرىقشا نازار اۋدارىپ، بۇل باعىتتا باياندى باعدارلامالاردىڭ قابىلدانۋىنا، كەشەندى شارالاردىڭ قولعا الىنۋىنا ىقپال ەتىپ كەلەدى. مەملەكەت باسشىسى قاسىم-جومارت توقايەۆ تا ۇرپاق تاربيەسىنە جان-جاقتى كوڭىل ءبولىپ، ۇكىمەتكە ناقتى تاپسىرمالار بەرۋدە. پرەزيدەنت «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا دا سالاعا سەرپىلىس سىيلايتىن قاداۋ-قاداۋ مىندەتتەردى ايقىندادى.

قازىرگى تاڭدا جامبىل وبلىسىنداعى اۋدانىندا بۇل باعىتتا جەمىستى جۇمىستار جۇزەگە اسۋدا. اتاپ ايتقاندا جىل سايىن ءبىلىم وشاقتارى بوي كوتەرىپ، ولاردىڭ ماتەريالدىق-تەحنيكالىق بازاسى جاڭارتىلىپ، زاماناۋي قوندىرعىلارمەن جابدىقتالۋدا. مەملەكەت تاراپىنان ءبىلىم سالاسىنا ءبولىنىپ وتىرعان قارجى كولەمى دە ارتىپ كەلە جاتىر. مىسالى، وتكەن جىلى ءبىلىم سالاسىنا 7،3 ميلليارد تەڭگە قارجى بولىنسە، ۇستىمىزدەگى جىلعا وسى ماقساتقا قارالعان قارجى 23،2 پايىزعا ارتىپ، 9 ميلليارد تەڭگەنى قۇراعان. ۇستىمىزدەگى جىلى 3-6 جاس ارالىعىنداعى بالالاردى مەكتەپكە دەيىنگى تاربيەمەن 100 پايىز قامتۋ ماقساتىندا، جىبەك جولى اۋىلىنان 100 ورىندىق جەكەمەنشىك «بورتە»، كوكتال اۋىلىنان 50 ورىندىق جەكەمەنشىك «اسەمگۇل» بوبەكجاي-باقشالارى ىسكە قوسىلسا، اقشولاق ەلدىمەكەنىندە 120 ورىندىق زاماناۋي مەكتەپ جاڭا وقۋ جىلى قارساڭىندا پايدالانۋعا بەرىلگەن.

جاس بۋىنعا IT ماماندىعىن يگەرۋ مەن جاڭا تەحنولوگيانى ءوز بەتىنشە قولدانۋعا باعىتتاۋ ماقساتىندا №4 مەكتەپ ليسەيى، بۋرىل، تۇيمەكەنت ورتا مەكتەپتەرىندە وقۋشىلاردى كاسىپكەرلىككە باۋلۋ ماقساتىندا، كوكتال ورتا مەكتەبىندە «بيزنەس-ينكۋباتور» جۇمىسىن باستاعان. مۇندا وقۋشىلاردى جىلىجايدا كوكونىس وسىرۋگە ۇيرەتۋ نيەتى جاتىر.

بۇنىڭ بارلىعى ءبىلىم ساپاسىن ارتتىرۋعا، كاسىبي شەبەرلىكتى نىعايتۋعا، مۇعالىمدەردىڭ الەۋمەتتىك مارتەبەسىن جوعارىلاتۋعا ىقپال ەتەتىنى انىق.

قازىرگى تاڭدا اۋداندا پەداگوگتار مارتەبەسىن ارتتىرۋ باعىتى بويىنشا دا ناقتى جۇمىستار اتقارىلۋدا.

“حالقىمىزدىڭ ۇلى باتىرى باۋىرجان مومىش ۇلى «ۇستازدىق - ۇلىق ەمەس، ۇلى قىزمەت. سەبەبى، ۇرپاقتاردى ۇستاز تاربيەلەيدى. بولاشاقتىڭ باسشىسىن دا، داناسىن دا، عالىمىن دا، ەڭبەكقور ەگىنشىسىن دە، كەنشىسىن دە ۇستاز وسىرەدى. ومىرگە ۇرپاق بەرگەن انالاردى قانداي

ارداقتاساق، سول ۇرپاقتى تاربيەلەيتىن ۇستازداردى دا سونداي ارداقتاۋعا مىندەتتىمىز” دەگەن بولاتىن.

ءبىز ءومىر ءسۇرىپ وتىرعان بۇگىنگى ءداۋىر جاڭاشا كوزقاراستى، جاڭاشىلدىقتى تالاپ ەتەدى. ءبىلىمنىڭ دامۋى، وتباسى تاربيەسى – ادامزات وركەنيەتىنىڭ دامۋى. ءبىلىمى كۇشتى ەل وزادى، ءبىلىمى ءالسىز ەل وعان قىزمەت ەتەدى. سوندىقتان، ۇستازدار قاۋىمىنا جۇكتەلەتىن مىندەتتىڭ اۋقىمدىلى زور"، - دەيدى بايزاق اۋدانىنىڭ اكىمى نۇرجان نۇرجىگىتوۆ.