2007 جىلى "100 مەكتەپ، 100 اۋرۋحانا" باعدارلاماسى ىسكە قوسىلعانى ەستە. 2011 جىلعا دەيىن جۇزەگە اسىرلۋى ءتيىس باعدارلاما اياسىندا ءۇش اۋىسىمداعى مەكتەپتەر ماسەلەسىن شەشۋدى كوزدەلگەن بولاتىن.
باعدارلامانى ورىنداۋ بارىسىندا مەملەكەتكە 1،5 ملرد تەڭگە كولەمىندە شىعىن كەلگەنى انىقتالىپ، 34 قىلمىستىق ءىس قوزعالعانى دا بەلگىلى. ياعني ءاربىر ءۇشىنشى نىسان بويىنشا ءبىر قىلمىستىق ءىس ورىن الىپ وتىرعان. ال ءۇش اۋىسىمدى مەكتەپ ماسەلەسى شەشىلۋسىز قالدى. ونى شەشۋ وسى ارالىقتا اۋىسقان التى ءمينيستردىڭ دە قولىنان كەلەر ەمەس. ونىڭ سەبەبىن ۆەدومستۆونىڭ بۇگىنگى باسشىسى اسحات ايماعامبەتوۆ ءتۇسىندىردى.
– باعدارلامانى ىسكە اسىرۋ اياسىندا 2016-2019 جىلدارى 372 مەكتەپ بوي كوتەردى. 80 جەكەمەنشىك مەكتەپتە مەملەكەتتىك تاپسىرىس ورىندالدى. وسىعان قاراماستان، ۋربانيزاسيا ۇدەرىسىنىڭ ۇدەۋى مەن تۇرعىنداردىڭ كوبەيۋى اسەرىنەن ءۇش اۋىسىمدى جانە اپاتتىق جاعدايداعى مەكتەپتەر ماسەلەسى شەشىمىن تاپپاي وتىر، – دەدى ول ۇكىمەت ساعاتىندا.
ونىڭ سوزىنشە ءبىلىم وشاقتارىنىڭ باسىم كوپشىلگى وتكەن عاسىردىڭ 50-80 جىلدارى تۇرعىزىلعان. ايماقتاردا مەكتەپتەرگە كۇردەلى جوندەۋ جۇرگىزۋدىڭ جۇيەلى بولماعاندىقتان عيماراتتىڭ اپاتتىق جاعدايىنا اسەر ەتەدى.
بۇگىندە 125 مەكتەپ ءۇش اۋىسىمدا جۇمىس ىستەسە، 36 ءبىلىم ورداسىنىڭ جاعدايى اپاتتىق دەپ باعالانۋدا. سىنىپتاردا وقۋشىلاردىڭ شامادان تىس اسۋ جاعدايى نۇر-سۇلتان، الماتى، شىمكەنت سىندى ميلليونەر قالالاردا ءجيى ۇشىراسادى. پروبلەمانى رەتتەۋ ءۇشىن قۇرىلىس پەن كۇردەلى جوندەۋدى قارجىلاندىرۋدىڭ جاڭا ءادىسناماسى ەنگىزىلىپتى. قارجىلاندىرۋ كولەمى وڭىردەگى ءبىر وقۋشىعا ارنالعان نورماتيۆكە سۇيەنە وتىرىپ انىقتالماق.
پىكىر قالدىرۋ