مەملەكەت باسشىسى قاسىم-جومارت توقايەۆ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا الەمدەگى دامىعان وتىز مەملەكەتتىڭ قاتارىنا كىرۋ مىندەتىن جەدەلدەتەتىن باسىم باعىتتاردى ايقىنداپ بەرگەنى بەلگىلى. سونىمەن قاتار جىلدىڭ باستى قۇجاتىنداعى «الەۋمەتتىك جاڭعىرۋدىڭ جاڭا كەزەڭى» بولىمىندە ءبىلىم سالاسىنا ۇلكەن سەرىپىلىس بەرىلسە، مادەنيەت، رۋحانيات سالاسى قىزمەتكەرلەرىنە ۇلكەن قولداۋلار دا ماڭىزدىلىعىمەن ەرەكشەلەنىپ وتىر. بۇل تۇرعىدا جامبىل وبلىسىندا دا ناتيجەلى جۇمىستار اتقارىلۋدا. اسىرەسە، قازىنالى قورداي وڭىرىندەگى اۋقىمدى جۇمىستار تۋرالى اۋىز تولتىرىپ ايتۋعا بولادى. بۇل قاتاردا ءبىلىم جانە مادەنيەت سالالارىنىڭ دامۋىنا ايرىقشا باسىمدىق بەرىلىپ، وڭدى ىستەر جۇيەسىن تابۋدا.

ماسەلەن سوڭعى جىلدارى اۋداندا قازىرگى زامان تالابىنا ساي جاڭا ءبىلىم بەرۋ نىساندارى ىسكە قوسىلىپ، اپاتتى مەكتەپتەر، ءۇش اۋىسىمدى وقىتۋ جۇيەسى جويىلا باستادى. تەك وتكەن جىلدىڭ وزىندە كوكتوبە جانە سوعاندى اۋىلدارىندا جاڭا مەكتەپ عيماراتى وقۋ جىلىندا قولدانىسقا بەرىلسە، اعىمداعى جىلى قورداي، قاراكەمەر، قاينار اۋىلدارىنداعى ورتا مەكتەپتەرگە كۇردەلى جوندەۋ جۇمىستارىن جۇرگىزۋ ءۇشىن 392 ميلليون 653 مىڭ تەڭگە ءبولىندى.

سونداي-اق ءبىرقاتار اۋىلدىق وكرۋگتەردىڭ ءبىلىم بەرۋ وشاقتارىنداعى ورىن تاپشىلىعى ماسەلەسى ءوز شەشىمىن تابۋدا. اعىمداعى جىلى قالعۇتى اۋىلىندا جاڭا مەكتەپتىڭ قۇرىلىس جۇمىستارى باستالسا، كەلەسى جىلى كۇنباتىس-2 جانە ماسانچي اۋىلدارىنا دا جاڭا مەكتەپتەر سالىنىپ، وقۋ جىلىندا قولدانىسقا بەرىلەدى دەپ جوسپارلانۋدا.

بۇگىندە ەلباسىنىڭ باستاماسىمەن «سيفرلىق قازاقستان» باعدارلاماسىجۇزەگە اسۋدا. قورداي اۋدانى اكىمدىگىنىڭ ىشكى ساياسات ءبولىمىنىڭ باس مامانى فاريزا قورابايدىڭ ايتۋىنشا، بۇل باعىتتا دا باعدارلى باستامالار قولعا الىنىپ، بۇقارانى قۋانىشقا بولەۋدە. بۇل ۇردىستەن ءبىلىم بەرۋ سالاسى دا تىس قالمايدى. 2019 جىلى اۋدان بويىنشا 9 مەكتەپتى روبوتوتەحنيكا كابينەتتەرىمەن قامتاماسىز ەتۋگە 54،6 ميلليون تەڭگە، 2 فيزيكا كابينەتتەرمەن قامتۋعا 14،5 ميلليون تەڭگە ءبولىنىپ، يگەرىلگەن. سونىمەن قاتار اۋدان مەكتەپتەرىنىڭ وقۋ كابينەتتەرىنە قاجەتتى 359 دانا كومپيۋتەر، پروەكتور، ەكران سىندى ينتەراكتيۆتى قۇرىلعىلارمەن قامتۋ ءۇشىن 179،5 ميلليون تەڭگە قارالىپ، ماقساتتى جۇمسالۋدا. بۇل ءبىلىم سالاسىن سيفرلاندىرۋ ماقساتىندا قولعا الىنعان جۇمىستاردىڭ ناتيجەسى.