بۇل تۋرالى ايماقتىق كوممۋنيكاسيالار قىزمەتىندە وتكەن بريفينگتە بورودۋليحا اۋدانىنىڭ اكىمى ولگا بۋلاۆكينا ءمالىم ەتتى. ونىڭ ايتۋىنشا، اۋدان ورتالىعى – بورودۋليحانى اباتتاندىرۋ جۇمىستارىنا وبلىستىق بيۋدجەتتەن 100 ميلليون تەڭگە ءبولىندى. سونداي-اق پەرەمەنوۆكا، جاڭا ءشۇلبى، نوۆوپوكروۆكا، بەل-اگاش، جەزكەنت كەنتىن كوركەيتۋگە 60 ملن تەڭگە قاراستىرىلدى.

 

بورودۋليحا اۋدانىنداعى جەڭىس ساياباعى، نوۆوپوكروۆكا اۋىلىنداعى تروتۋارعا اعىمداعى جوندەۋ جۇمىستارى جۇرگىزىلدى. بالالارعا ارنالعان ويىن الاڭى قولدانىسقا بەرىلدى. پەرەمەنوۆكا، جاڭا ءشۇلبى، بەل اعاش اۋىلدارى مەن جەزكەنت كەنتىندە ءتورت «Street workout» الاڭى سالىندى. وعان 40 ملن. تەڭگە جۇمسالدى. سونداي-اق بورودۋليحا اۋدانىنداعى كوپقاباتتى تۇرعىن ۇيلەردىڭ اۋماعى كوركەيتىلىپ، ءبىرقاتار جۇمىس اتقارىلدى. شاعىن فۋتبول الاڭىنىڭ قۇرىلىسى باستالدى. وسى ماقساتتا 13 ملن تەڭگە قاراستىرىلعان. اعىمداعى ايدىڭ سوڭىندا بۇل نىسان ەل يگىلىگىنە پايدالانۋعا بەرىلدى. جولاۋشىلارعا ارنالعان مودۋلدىك مەكەمە سالىنۋدا. ءقازىر وندا ەلەكتر جەلىسىن تارتۋ، جارىقتاندىرۋ، ورتالىق سۋمەن قامتاماسىز ەتۋ، الاڭدى اسفالتتاۋ، اۆتوكولىكتەرگە ارنالعان الاڭ، قوقىس جاشىكتەرى مەن ورىندىقتار قويىلۋدا. وعان ارنايى تەندەر وتكىزىلدى. «رەمنيەۆ». جك-مەن كەلىسىمشارت جاسالدى. اعىمداعى جىلدىڭ قازان ايىنىڭ سوڭىنا دەيىن جولاۋشىلارعا ارنالعان مودۋلدىك ورتالىق پايدالانۋعا بەرىلەدى.