وڭىرلەردەگى سپورتتىڭ دامۋىنداعى باستى كورسەتكىش سپورتشىلاردىڭ سپورتتىق ارەناداعى جەڭىسى ەكەنى داۋسىز. اعىمداعى جىل باسىنان بەرى حالىقارالىق، رەسپۋبليكالىق سپورتتىق سايىستارعا قاتىسقان جامبىلدىق سپورتشىلار بارلىعى 1320 مەدال يەلەندى، دەپ جازادى Qamshy.kz اقپارات اگەنتتىگى. 

جامبىلدىق سپورتشىلاردىڭ 421ء-ى قارسىلاستارىنان وق بويى وزىق شىعىپ التىننان القا تاعىنسا، 371 سپورتشى كۇمىس مەدالعا يە بولعان. سونداي-اق 528 رەت جامبىلدىقتار جەڭىس تۇىعىرىنىڭ ءۇشىنشى ساتىسىنان كورىنىپتى.

ەسەپتى كەزەڭدە 910 سپورتشى سپورتتىڭ بىرنەشە تۇرىنەن قازاقستان قۇراما كومانداسىنىڭ مۇشەلىگىنە وتكەن. مۇنداعى 302 سپورتشى جاستار ساناتىنا جاتسا، قالعان 322 سپورتشى جاسوسپىرىمدەر ساپىندا ەل نامىسىن ابىرويمەن قورعاپ ءجۇر. سول سەكىلدى 81 جامبىلدىق سپورتشى ق ر سپورت شەبەرى، 6 سپورتشى ق ر حالىقارالىق دارەجەدەگى سپورت شەبەرى، 8 ادام ۇلتتىق سپورت تورەشىسى جانە 2 ادام جوعارى ساناتتاعى ۇلتتىق سپورت تورەشىسى نورماتيۆتەرىن ورىندادى. سونداي-اق، 456 سپورتشىعا «ق ر سپورت شەبەرلىگىنە كانديدات» سپورتتىق اتاقتارى بەرىلدى.

جىل باسىنان بەرى رەسپۋبليكانىڭ ءار ايماعى مەن الەمنىڭ سان قيىرىندا وتكەن بايراقتى باسەكەلەردە جۇلدە سالعان جەرلەستەرىمىزدىڭ اتىن ماقتانىشپەن اتاپ وتكەن ءجون. ماسەلەن وليمپيادا ويىندارىنىڭ جۇلدەگەرى ەلدوس سمەتوۆ دزيۋدودان الەمدىك گران-پري تۋرنيرلەرىنىڭ جەڭىمپازى، الەم چەمپيوناتىنىڭ قولا جۇلدەگەرى اتاندى ال گيمناستشى قىزدار انەل نۇرجانوۆا مەن يۋليا پروسۆەتوۆا سپورتتىق اكروباتيكادان الەم كۋبوگىنىڭ قولا مەدالىنە يە بولدى. سول سەكىلدى مەيىربەك قورداباي گرەك-ريم كۇرەسىنەن 23 جاسقا دەيىنگى ەرەسەكتەر اراسىنداعى ازيا چەمپيوناتىنىڭ قولا مەدالدى جەڭىپ الدى. سونىمەن قاتار، جەرلەسىمىز نۇرقانات سەرىكبايەۆ – دزيۋدودان جاسوسپىرىمدەر اراسىندا الەم چەمپيونى اتاعىنا قول جەتكىزدى. ال جاستار اراسىنداعى ۇلتتىق ات سپورتى تۇرلەرىنەن ءبىرىنشى ازيا چەمپيوناتىندا كوكپاردان قازاقستان رەسپۋبليكاسىنىڭ ۇلتتىق قۇرامانىڭ ساپىندا جامبىلدىق شاباندوزدار قۇرمانبەك تۇرعانبەك، ەرنار جارىلقاسىن، ەرنۇر كامەلحان، ەرسۇلتان ازىمبايەۆ جانە ەرنەت ءمالىمباي قۇرلىق چەمپيونى اتاندى.

جامبى اتۋدان قازاقستان رەسپۋبليكاسىنىڭ قۇراما كومانداسىنىڭ ساپىندا جامبىل وبلىسىنىڭ سپورتشىسى باقداۋلەت باباجان جەڭىس تۇعىرىنان كورىندى. سونداي-اق، ۋنيۆەرسيادا ويىندارىندا دزيۋدو كۇرەسىنەن ابسوليۋت سالماق دارەجەسىندە قىرىقباي عالىمجان دا ەل مەرەيىن اسقاقتاتتى.بۇل مەدال ۋنيۆەرسيادا ويىندارىنداعى دزيۋدو كۇرەسىنەن قازاقستان تاريحىندا تۇڭعىش جانە وسى جارىستاعى جالعىز التىن مەدال بولعانىن دا جامبىلدىقتار ماقتان ەتەدى. پارا پاۋەرليفتينگتەن ەربولات كاريباي 49 كەلى سالماقتا جاستار اراسىنداعى الەم چەمپيوناتىندا ۇزدىكتەر قاتارىنان كورىندى.