قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ ءوز جولداۋىندا الەۋمەتتىڭ الەۋەتىن ارتتىرۋ شارالارىن ءوز دەڭگەيىندە قولعا الۋدى تاپسىردى. پرەزيدەنت تاپسىرماسىن جۇمىلا ورىنداۋعا كىرىسكەن جامبىلدىق كاسىپورىندار ەسەپتى كەزەڭدە جۇمىسشىلاردىڭ جالاقىسىن 29 پايىزعا دەيىن ۇلعايتتى، دەپ جازادى Qamshy.kz اقپارات اگەنتتىگى. 

ءوز كەزەگىندە قازاقستان رەسپۋبليكاسى تۇڭعىش پرەزيدەنتى-ەلباسى نۇرسۇلتان نازاربايەۆ تا وتكەن جىلداعى حالىققا ارناعان جولداۋىندا ەڭ تومەنگى جالاقىنى 1،5 ەسەگە ارتتىرا وتىرىپ، ونىڭ ەڭ تومەنگى كۇنكورىس شەگىمەن بايلانىستى بولمايتىندىعىن اتاپ وتكەنى. سوعان ساي ەلباسى تومەن جالاقى الاتىن قىزمەتكەرلەردىڭ ەڭبەكاقىسىن كوتەرۋ تۋرالى باستامانى ەلىمىزدەگى ءىرى كومپانيالاردىڭ قولدايتىندىعىنا سەنىم بىلدىرەتىندىگىن ايتقان ەدى. اتالعان تالاپتاردىڭ ۇدەسىنەن شىعۋعا كىرىسكەن 8192 جامبىلدىق كاسىپورىندا 74،5 مىڭ جۇمىسكەردىڭ جالاقىسى ورتا ەسەپپەن 38،9 مىڭ تەڭگەدەن 50،1 مىڭ تەڭگەگە دەيىن ۇلعايدى.

–بۇل بۇگىنگى تاڭدا وبلىستا جۇمىس ىستەپ تۇرعان زاڭدى تۇلعالاردىڭ 92،8 پايىزىن قۇرايدى. ونىڭ ىشىندە 95 ءىرى كاسىپورىننىڭ 92ء-سى 43 359 جۇمىسكەردىڭ جالاقىسىنا ۇستەمەاقى قوستى. ال، جەكە مەنشىكتەگى 33 ءىرى كاسىپورىننىڭ 28ء-ى كاسىپورنى 13591 جۇمىسكەرگە جالاقىسىن كوتەرۋ تۋرالى باستامانى قۇپتاعان. سونداي-اق 42ورتا كاسىپورىن 3877 جۇمىسكەرگە، 8058 شاعىن كاسىپورىن 27290 جۇمىسكەردىڭ ەڭبەك اقىسىن ۇلعايتتى، –دەيدى وبلىس اكىمدىگى ەڭبەك ينسپەكسياسى باسقارماسىنىڭ باسشىسى بالابەك ناربايەۆ.

بۇل ورايدا جامبىلدىق جۇمىس بەرۋشىلەرمەن جالاقى تولەۋ جۇيەسىن رەتتەيتىن 4052 اكتى قابىلداندى. ونىڭ ىشىندە 2433 بۇيرىق جانە 467 ۇجىمدىق شارتپەن بىرگە 1134 ءۇشجاقتى كەلىسىمدەر، 3 حاتتاما جانە 15 ۇجىمدىق شارتقا وزگەرىس ەنگىزۋ جانە ءبىر اۋماقتىق ءۇشجاقتى كەلىسىمدەر قابىلدانعان. اتالعان كەلىسىمگە بويىنشا كاسىپورىندار بەلگىلى ءبىر مىندەتتەلگەن تالاپقا ساي جالاقى تابىسىن ەسەلەپ كوتەرۋگە كۇش سالماق.

بۇگىنگە، 42،5 مىڭ تەڭگەدەن تومەن جالاقى الاتىن 24015 جۇمىسكەردىڭ ەڭبەك اقىسىن كوتەرۋگە 3837 كاسىپورىن قولداپ ءبىلدىرىپ وتىر. قىمباتشىلىق قوس بۇيىردەن قىسقان شاقتا حالىق تابىسىنىڭ ارتۋى ەڭ اۋەلى الەۋمەتتىك جاعدايدىع جاقاسارا تۇسۋىنە سەپتىگىن تيگىزەدى. ءارى جۇمىسكەرلەردىڭ مول تابىسى ەكونوميكالىق ورلەۋمەن بىرگە جەرگىلىكتى بيۋدجەتكە سالىقتىق ءتۇسىم كولەمىنىڭ ارتۋىنا دا لايىقتى جاعداي جاسايدى.