ەكى قولعا ءبىر كۇرەك تاۋىپ، ەڭبەك ەتىپ جۇرگەن كەز-كەلگەن جان جالاقىنىڭ تۇراقتى ءارى مەرزىمىندە تولەنگەنى قۇپ كورەدى. ال كاسىپورىننىڭ جۇمىسكەرلەر الدىنداعى قارىزىنىڭ قوردالانىپ قالۋى، بۇل جاعدايدا جەرگىلىكتى بيلىكتىڭ ارەكەتسىزدىگى كوپشىلىكتىڭ نارازىلىعىن تۋىنداتۋدىڭ بىر-بىردەن سەبەبى سانالادى. وسى ورايدا وبلىس اكىمدىگىنىڭ ەڭبەك ينسپەكسياسى باسقارماسىنىڭ ارالاسۋىمەن اعىمداعى جىلدىڭ باسىنان بەرى وڭىردەگى ءبىرقاتار كاسىپورىنداردىڭ جۇمىسشىلار الدىنداعى جالاقى قارىزدارى وتەلدى، دەپ جازادى Qamshy.kz اقپارات اگەنتتىگى.
كۇنى بۇگىنگە دەيىن وڭىردەگى 19 كاسىپورىنداعى 4713 جۇمىسكەر الدىنداعى 730 ميلليون 1 مىڭ تەڭگە كولەمىندەگى جالاقى قارىزدارى تولىعىمەن ءوندىرىلىپ بەرىلدى.
–مۇنداعى 1350 جۇمىسكەر الدىنداعى 160 ميلليون 500 مىڭ تەڭگە اعىمداعى قارىزدار بولسا، 3160 جۇمىسكەر الدىنداعى 233 ميلليون 900 مىڭ تەڭگە مەرزىمى وتكەن قارىزدارعا جاتادى. سونداي-اق، 203 جۇمىسكەر الدىنداعى 335 ميلليون 700 مىڭ تەڭگە وڭالتۋ ءراسىمى قولدانىلعان جانە بانكروتقا ۇشارىعان كاسىپورىنداردىڭ قارىزدارىنا جاتادى.
بۇگىنگى كۇنگە وڭىردەگى جالاقى قارىزدارىنىڭ جالپى كولەمى 144 جۇمىسكەر الدىندا 22 ميلليون تەڭگەنى قۇرايدى. ول تالاس اۋدانىنداعى «جامبىل نەدر» جاۋاپكەرشىلىگى شەكتەۋلى سەرىكتەستىگىنە ۇلەسىنە تيەسىلى.
اعىمداعى جىلدىڭ قىركۇيەك ايىندا باسقارما ماماندارىمەن، وزگەدە مۇدەللى مەكەمەلەردىڭ قاتىسۋىمەن وتكىزىلگەن پروفيلاكتيكالىق باقىلاۋ بارىسىندا «جامبىل نەدر» جاۋاپكەرشىلىگى شەكتەۋلى سەرىكتەستىگىندەگى جالاقى قارىزىنىڭ جالپى سوماسى 60 ميلليون 100 مىڭ تەڭگە ەكەندىگى انىقتالدى. دەر شاعىندا قابىلدانعان شارالار ناتيجەسىندە كاسىپورىن جۇمىسشىلارى الدىنداعى قارىزىنىڭ 38 ميلليون 100 مىڭ تەڭگەسى ءوندىرىلدى.
كاسىپورىننىڭ قۇرىلتايشىلارىمەن جۇرگىزىلگەن كەلىسسوزدەردىڭ جالاقى قارىزدارىن تولەۋ كەستەسى بەكىتىلىپ، قازىرگى ۋاقىتتا كەستەگە سايكەس تولەمدەر جۇرگىزىلۋدە، –وبلىس اكىمدىگى ەڭبەك ينسپەكسياسى باسقارماسىنىڭ باسشىسى بالابەك ناربەكوۆ.
اعىمداعى جىلدىڭ 9 ايدىڭ وزىندە باسقارماعا 780 ارىز تىركەلىپ، 1602 جۇمىسكەردىڭ قۇقىع قورعالدى. ناتيجەسىنەدە 135 ميلليون 200 مىڭ تەڭگە كولەمىندەگى جالاقى بويىنشا بەرشەكتەر، 262 مىڭ تەڭگە كولەمىندەگى ءىسساپار شىعىندارى مەن 866 مىڭ تەڭگە كولەمىندەگى ۇستەمە اقى، وتەماقى، قوسا اتقارعان قىزمەتىنە قوسىمشا اقىلارى ءوندىرىلىپ بەرىلدى.
