وڭىردەگى دەنە شىنىقتىرۋ جانە سپورت سالاسىنا ايرىقشا كوڭىل بولىنگەنىن جەكەلەگەن ليگالارداى سپورتتىق جارىستاردىڭ ءجيى وتكىزىلۋىنەن دە اڭعارۋعا بولادى. اسىرەسە سوڭعى جىلدارى مەكتەپ وقۋشىلارى اراسىنداعى وبلىستىق «مەكتەپ ليگاسى» مەن مەملەكەتتىك قىزمەتشىلەر اراسىندا ۆولەيبولدان ءداستۇرلى تۇردە وتەتىن «تۇنگى ليگاعا» قىزىعۋشىلىق وتە جوعارى، دەپ جازادى Qamshy.kz اقپارات اگەنتتىگى. 

جالپى جىل باسىنان وبلىس بويىنشا سالاۋاتتى ءومىر سالتىن ناسيحاتتاۋ باعىتىندا بارلىعى 2795 سپورتتىق ءىس-شارا ۇيىمداستىرىلىپ، اتالعان ءىس-شارالارعا 459،4 مىڭ ادام قاتىستى.

–ونىڭ ىشىندە سوڭعى ءتورت جىلدا دەنە شىنىقتىرۋ جانە سپورت باسقارماسى مەن ءبىلىم باسقارماسى بىرلەسىپ وتكىزىپ كەلە جاتقان وبلىستىق «مەكتەپ ليگاسى» سپورتتىق ويىندارىنا 130 مىڭنان استام وقۋشى قاتىسۋى ۇلكەن جەتىستىك سانالادى. جاستار اراسىندا سالاۋاتتى ءومىر سالتىن قالىپتاستىرۋ، بۇقارالىق سپورتتىڭ تانىمالدىلىعىن ارتتىرۋ ماقساتىندا كىشى فۋتبول، ۆولەيبول، باسكەتبول سىندى سپورت تۇرلەرىنەن وتكىزىلگەن بۇل ليگا ويىندارى شىن مانىندە مەكتەپ وقۋشىلارى اراسىنداعى باسەكە الاڭىنا اينالدى. ناتيجەسىندە ءوڭىر جاستارىنىڭ 55،9 پايىزى دەنە شىنىقتىرۋمەن تۇراقتى تۇردە اينالىسۋدى باستادى. «مەكتەپ ليگاسىنىڭ» سوڭعى 4 جىل بويى ۇيىمداستىرىلىپ كەلە جاتقانىن ەسكەرسەك وسى باسەكە الاڭىندا ۇزدىك شىعۋ جولىندا تەر توككەن مەكتەپ وقۋشىلارىنىڭ بۇگىندە سپورتتىڭ جەكەلگەن تۇرىنە مىقتاپ دەن قويعانىن اڭعارۋ قيىن ەمەس.

سونىمەن قاتار، وڭىردە سالاماتتى ءومىر سالتىن قالىپتاستىرۋ ماقساتىندا جىل باسىنان باستاپ فۋتبولدان اۋەسقويلار اراسىندا وبلىس چەمپيوناتى جانە مەملەكەتتىك قىزمەتشىلەر اراسىندا ۆولەيبولدان «تۇنگى ليگا» ويىندارى وتكىزىلىپ كەلەدى. سايكەسىنشە بۇل سىندارعا قاتىسۋشى كوماندالار سانى مەن ولاردىڭ اراسىنداعى باسەكەلەستىكتىڭ ارتۋى اۋەسقويلار اراسىنداعى سپورتتىڭ جەكەلەگەن تۇرلەرىنىڭ تانىمال بولۋىنا سەپتىگىن تيگىزىپ كەلەدى، –دەيدى وبلىس اكىمدىگىنىڭ دەنە شىنىقتىرۋ جانە سپورت باسقارماسىنىڭ اتاۋى نۇربول جۇنىسبەكوۆ.

سپورتپەن اينالىسۋشى تۇرعىندارى سانىنىڭ ارتۋىنا قولجەتىمدى سپورت الاڭشالاردىڭ كوبەيۋى دە ءوز سەپتىگىن تيگىزىپ جاتقانى داۋسىز.بۇل ورايدا سپورت الاڭشالارىن سالۋعا دەمەۋشىلەردىڭ كوبەيگەنىن اتاپ وتپەسكە بولماس. ماسەلەن جىل باسىنان بەرى 112 سپورت الاڭشاسى سالىنسا ونىڭ 54ء-ى جەكەلەگەن ازاماتتاردىڭ قارجىسى ەسەبىنەن پايدالانۋعا بەرىلگەن.