وبلىستاعى جەر كولەمىنىڭ 50 پايىزى تيەسىلى مويىنقۇم اۋدانىندا اۋىل شارۋاشىلىعى مەن بىرگە وڭدەۋشى كاسىپورىنداردىڭ دا جۇمىسى جۇيەلەنە تۇسۋدە. قازاقستان رەسپۋبليكاسى پرەزيدەنتى قاسىم-جومارت توقايەۆتىڭ قازاقستان حالقىنا ارناعان جولداۋىندا شيكىزاتتىڭ بەلگىلى ءبىر تۇرىنە عانا بايلانعان ەكونوميكادان باس تارتىپ، مۇمكىندىگىنشە بۇل سالانى ءارتاراپتاندىرۋعا كوڭىل ءبولۋدى تاپسىرعانى ءمالىم. وسى ورايدا، مويىنقۇمدىقتاردىڭ ونەركاسىپتە تولايىم تابىستارعا قول جەتكىزىپ كەلەدى، دەپ جازادى Qamshy.kz اقپارات اگەنتتىگى. 

مويىنقۇم اۋدانىنداعى ءىرى ءوندىرىس وشاعىنىڭ ءبىرى «التىنالماس» اكسيونەرلىك قوعام وتكەن جىلدىڭ ەسەپتى كەزەڭىندە 11 ميلليارد 380 ميلليون تەڭگەنىڭ ءونىمىن وندىرسە، بيىل جىل باسىنان ءوندىرىس وشاعىمەن وندىرىلگەن ءونىم كولەمى 19 ميلليارد 93 ميلليون 600 مىڭ تەڭگەنى. ، سونداي-اق «جامبىل سەمەنت زاۋىتى»، «ەۆريكا باريت»، «كوپتاس»، «مىڭارال كومپانياسى»، «شىعىس كەڭ باسقارماسى»، «امانگەلدى گاز» جاۋاپكەرشىلىگى شەكتەۋلى سەرىكتەستەرى وتكەن جىلدىڭ ءتيىستى ۋاقىتىمەن سالىستىرعاندا ءوز ونىمدەرىن ارتىعىمەن ءوندىرىپ، اۋدان بيۋدجەتىن كوتەرۋگە كومەكتەرىن تيگىزدى. اتالعان سەرىكتەستىكتەردە وتكەن جىلدىڭ 8 ايىنداعى كورسەتكىشتەرگە قاراعاندا بيىل 10 ميلليارد 864 ميلليون 7 مىڭ تەڭگەنىڭ ءونىمى ارتىق ءوندىرىلدى.

– وتكەن جىلدىڭ قورىتىندىسىندا اۋداننىڭ ونەركاسىپ كاسىپورىندارىمەن 53 ميلليارد 600 ميلليون تەڭگەگە ءونىم ءوندىرىلدى. بۇل 2017 جىلمەن سالىستىرعاندا 10 ميلليارد تەڭگەگە ارتىق كورسەتكىشتى قۇراپ وتىر. سايكەسىنشە اعىمداعى جىلى ونەركاسىپ ورىندارىنىڭ تابىستىلىعى تاعى دا ءوسىمدى كورسەتپەك. الدىن-الا بولجامنىڭ وزىندە بىزدە مول ءونىم الىناتىندىعى اڭعارىلادى. وتكەن جىلى اۋدانداعى كەن ءوندىرۋ ونەركاسىبى جانە كارەرلەردى قازۋدا ءوندىرىسىنىڭ كولەمى 54،4پايىزعا ارتتى. ءوز كەزەگىندە بۇل سالادا 8 ميلليارد 763 ميلليون تەڭگەنىڭ ءونىمى ءوندىرىلدى. ال وڭدەۋ ونەركاسىبىندە 41 ميلليار 247 ميليون تەڭگەنىڭ ءونىمىن وڭدەۋگە قول جەتكىزە الدىق،–دەيدى اۋدان اكىمى مادەن مۇسايەۆ.

وسى كورسەتكىشتەردىڭ ءوزى-اق مويىنقۇمدا اۋىل شارۋاشىلىعىمەن بىرگە وڭدەۋشى ونەركاسىپورىندارىنىڭ مول مۇمكىندىككە يە ەكەندىگىن اڭعارتادى. ءارى مويىنقۇم جەرىندە پايدالى قازبالاردىڭ مول قورىنىڭ بولۋى دا اۋداننىڭ ونەركاسىپ كەشەندەرىنىڭ الەۋەتىن ارتتىرۋدىڭ ءبىر تەتىگىنە اينالعانى جاسىرىن ەمەس.