قازاقستان رەسپۋبليكاسى پرەزيدەنتى قاسىم-جومارت توقايەۆتىڭ قازاقستان حالقىنا ارناعان جولداۋىندا ەل تۇرعىندارىنىڭ سالاۋاتتى ءومىر سالتىن ۇستانىپ، بۇقارالىق سپورتتى دامىتۋعا ايرىقشا ءمان بەرگەنى ءمالىم. ءوز كەزەگىندە جەرگىلىكتى جەرلەردە سپورتتى دامىتىپ، حالىقتى بۇقارالىق سپورتقا كوپتەپ تارتۋ ءۇشىن تۇرعىنداردىڭ سپورتتىق نىساندارعا قولجەتىمدىلىك ماسەلەسىن جۇيەلى شەشۋ قاجەت. جامبىل وبلىسىندا بۇل باعىتتاعى جۇمىستار جوعارى ناتيجەگە يە، دەپ جازادى Qamshy.kz اقپارات اگەنتتىگى. 

ءوڭىر تۇرعىندارى اراسىندا سالاۋاتتى ءومىر سالتىن كەڭ ناسيحاتتاۋ ارقىلى ولاردىڭ سپورتقا دەگەن قىزىعۋشىلىعىن ارتتىرۋعا جاۋاپتى وبلىس اكىمدىگىنىڭ دەنە شىنىقتىرۋ جانە سپورت باسقارماسى ءوز جۇمىسىندا وبلىس اكىمىمەن بەكىتىلگەن 5 ينديكاتورلىق كورسەتكىشكە قول جەتكىزۋدى ماقسات ەتەدى.

–اتالعان ينديكاتورلىق كورسەتكىشتەردىڭ بىرىندە جەرگىلىكتى تۇرعىندارعا سپورت نىساندارىنا قولجەتىمدى بولۋى كورسەتىلگەن. اعىمداعى جىلدىڭ 9 ايىندا وڭىردەگى 2176 سپورتتىق نىسانعا قولجەتىمدىلىكتى قامتاماسىز ەتۋ جوسپارلانعان. ال بۇگىندە ناقتى 2406 نىسانعا تۇرعىندار ءۇشىن قولجەتىمدى بولىپ وتىر. اتالعان نىسانداردا تۇرعىنداردىڭ سپورتپەن شۇعىلدانۋدىڭ ارنايى كەستەسى دە جاسالىپ، ولاردىڭ قىزمەت ۋاقىتىسى، مەكەن-جايى سىندى مالىمەتتەر جەرگىلىكتى بۇقارالىق اقپارات قۇرالدارى مەن جانە باسقارمانىڭ، تاراز قالاسى مەن اۋدان اكىمدىكتەرىنىڭ رەسمي سايتتارىندا جاريالانعان،–دەيدى وبلىس اكىمدىگىنىڭ دەنە شىنىقتىرۋ جانە سپورت باسقارماسىنىڭ باسشىسى نۇربول جۇنىسبەكوۆ.

سپورت نىساندارىنىڭ حالىققا قول جەتىمدى ەتە تۇسۋدە ءبىلىم بەرۋ ۇيىمدارىنىڭ سپورت زالدارىن وڭتايلى پايدالانۋ تاجىريبەسى قاراستىرىلىپ جاتىر. بۇل ماقساتتا وبلىس اكىمدىگىنىڭ دەنە شىنىقتىرۋ جانە سپورت، ءبىلىم باسقارمالارى اراسىندا جانە تاراز قالاسى مەن اۋدان اكىمدىكتەرى اراسىندا 3 جاقتى مەموراندۋم جاسالىنعان.

بۇگىنگى كۇندى جالپى ءبىلىم بەرەتىن مەكتەپتەردىڭ كوبىندەگى سپورتزالدار جەرگىلىكتى تۇرعىنداردىڭ سپورتتىق نىساندارعا قولجەتىمدىلىگىن قامتاماسىز ەتكەنىمەن بۇل كورسەتكىشتى 100 پايىزدىق مەجەگە جەتكىزۋ وڭايعا سوقپاي تۇر. سەبەبى سپورت نىساندارىنىڭ كەيبىرى اسكەري بولىمشەلەر مەن اسكەري قالاشىقتاردا، ارنايى رۇقساتتى قاجەت ەتەتىن ءبىلىم بەرۋ مەكەمەلەردىڭ عيماراتىندا ورنالاسقان. ءدال وسى سەبەپتەن دە ولاردى حالىق كادەسىنە تولىقتاي جاراتۋ مۇمكىن بولماي تۇر.