بۇگىندە جامبىل وبلىسىنداعى سپورتتىق ينفراقۇرىلىممەن قامتاماسىز ەتۋ ماسەلەسى تولىعىمەن شەشىلگەن. سونداي-اق جەرگىلىكتى تۇرعىنداردىڭ قاجەتتىلىگىنە تالادۋ جۇمىستارى جۇرگىزىلىپ تۇرادى. وسى جۇمىستار ناتيجەسىندە وڭىردەگى سپورت سالاسى ايرىقشا سەرپىن دامي ءتۇستى، دەپ جازادى Qamshy.kz اقپارات اگەنتتىگى.
بۇل ورايدا سپورتشىلار مەن سپورتقا قىزىعۋشىلىعى جوعارى تۇرعىنداردىڭ الاڭسىز جاتتىعۋ جاساۋىنا قولايلى ورتا قالىپتاستىرۋ ءىسى كۇنتارتىبىنەن تۇسكەن ەمەس. بۇگىنگى كۇنگە وبلىس اكىمىمەن بەكىتىلگەن وبلىستاعى سپورتتىق ينفراقۇرىلىممەن قامتاماسىز ەتۋ تاپسىرماسىنىڭ ورىندالۋى 99،3 پايىزدى قۇرايدى.
–وبلىس اكىمىنىڭ تاپسىرماسىنا ساي باسقارما تاراپىنان وبلىستاعى سپورت نىساندارىنىڭ قاجەتتىلىگىنە تالداۋ جاسالىپ، سپورت نىساندارىنىڭ قۇرىلىسىن جۇرگىزۋ كارتاسى ازىرلەندى. كارتاعا سايكەس وبلىس بويىنشا 2019 – 2021 جىلدار ارالىعىندا بارلىعى 28 دەنە شىنىقتىرۋ – ساۋىقتىرۋ كەشەنىن سالۋ جوسپارلانىپ وتىر. مۇنداعى قورداي اۋدانى مەن جامبىل اۋداندارىنىڭ ءارقايسىسىندا 5 نىساننىڭ قۇرىلىسى جۇرگىزىلسە، تاراز قالاسى مەن بايزاق اۋدانىندا 4 نىساننان بوي كوتەرەدى. سونداي-اق تاراز قالاسىندا گيمناستيكالىق جانە جەڭىل اتلەتيكالىق مانەج قۇرىلىسىن سالۋ جوسپارى كارتاعا ەندى. تاراز قالاسى مەن جۋالى اۋدانىندا 3 سپورتتىق نىساندى قايتا جاڭعىرتۋ جۇمىستارى جوسپارلانىپ وتىر، –دەيدى وبلىس اكىمدىگىنىڭ دەنە شىنىقتىرۋ جانە سپورت باسقارماسىنىڭ باسشىسى نۇربول جۇنىسبەكوۆ.
تاراز قالاسىنداعى ارقىندى قۇرىلىس الاڭىنا اينالعان «جاستار» ستاديونىن قايتا جاڭعىرتۋ جۇمىستارى اياقتالۋعا جاقىنداپ قالدى. بۇعان دەيىن تەك فۋتبول الاڭى رەتىندە كادەگە جاراعان ستاديوندا الداعى ۋاقىتتا كوگالدى حوككەي سىندى سپورتتىڭ سيرەك تۇرىمەن اينالىسۋعا دا مۇمكىندىك بەرىلمەك. سونىمەن قاتار، جامبىل اۋدانى، اسا اۋىلىندا جوبالىق-سمەتالىق قۇنى 594 ميلليون 600 مىڭ تەڭگە بولاتىن دەنە شىنىقتىرۋ-ساۋىقتىرۋ كەشەنىنىڭ قۇرىلىسى جۇرگىزىلۋدە. مۇنداي كەشەننىڭ جۇمىسى شۋ اۋدانىنىڭ ورتالىعى تولە بي اۋىلىنان دا سالىنىپ جاتىر.نىساندارداعى قۇرىلىس وتپەلى بولعاندىقتان ونداعى قۇرىلىس-مونتاج جۇمىستارىن 2020 جىلى اياقتاۋ جوسپارلانىپ وتىر. ءوز كەزەگىندە بۇل نىسانداردىڭ بارلىعى دەرلىك پايدالانۋعا بەرىلگەننەن كەيىن جەرگىلىكتى تۇرعىنداردىڭ سپورتتىق نىساندارعا دەگەن سۇرانىسىن قامتاماسىز ەتەتىن بولادى.
پىكىر قالدىرۋ