ۆالەنتينا ماتۆيەنكو داريعا نازاربايەۆامەن كەزدەسۋ بارىسىندا سەنات سپيكەرىنە بەدەلدى حالىقارالىق جيىندا تەڭ ءتوراعا بولۋدى ۇسىندى
سەنات سپيكەرى داريعا نازاربايەۆاعا ماسكەۋ ساپارى بارىسىندا 2021 جىلى وتەتىن III ەۋرازيالىق ايەلدەر فورۋمىندا تەڭ ءتوراعا بولۋ ۇسىنىلدى.
"ۆالەنتينا ماتۆيەنكو 2022 جىلى رەسەيدە وتەتىن ءدىنارالىق جانە ەتنوسارالىق ديالوگ جونىندەگى دۇنيەجۇزىلىك كونفەرەنسيانى دايىنداۋ جونىندە بىرلەسكەن جۇمىستاردى باستاۋدى ۇسىندى، سونداي-اق داريعا نازاربايەۆانى 2021 جىلى وتەتىن ءۇشىنشى ەۋرازيالىق ايەلدەر فورۋمىنىڭ تەڭ ءتوراعاسى بولۋعا شاقىردى"، – دەپ پارلامەنتتىڭ جوعارعى پالاتاسىنىڭ باسپا ءسوز قىزمەتىنىڭ بايانداماسىندا جازىلعان.
ەۋرازيالىق ايەلدەر فورۋمى – قازىرگى قوعامداعى ايەلدەر ءرولىن تالقىلاۋعا ارنالعان ءىرى بەدەلدى حالىقارالىق الاڭ. شارا ۇيىمداستىرۋشىلارى - فەدەرالدىق جينالىستىڭ فەدەراسيا كەڭەسى مەن تمد-عا مۇشە مەملەكەتتەردىڭ پارلامەنتارالىق اسسامبلەياسى.
كەزدەسۋ بارىسىندا ۆالەنتينا ماتۆيەنكو رەسەي مەن قازاقستاننىڭ دوستىق جانە وداقتاستىق قاتىناستارى ەكى مەملەكەتتىڭ دامۋىندا ماڭىزدى ەكەنىن اتاپ ءوتتى.
سونداي-اق د.نازاربايەۆا ۆ.ماتۆيەنكوعا I دارەجەلى "دوستىق" وردەنىن تابىس ەتتى.
پىكىر قالدىرۋ