ە.ەرتىسبايەۆ: قىتايعا قارسى ميتينگتەردىڭ ارتىندا اقش تۇر

ەلباسىنىڭ ەكس-كەڭەسشىسى، ساياساتكەر ەرمۇحامەت ەرتىسبايەۆ "ۆرەميا" گازەتىنە بەرگەن سۇقباتىندا انتيقىتايلىق نازارىلىق شارالارىنىڭ ارتىندا قازاقستاننىڭ دەموكراتيالىق تاڭداۋى ۇيىمىنان بولەك اقش-تىڭ دا تۇرعانىن ايتتى.

– اقش پەن جۇڭگو اراسىندا ءقازىر ساۋدا سوعىسى ءجۇرىپ جاتىر. تەك امەريكا عانا پەكيننىڭ شىڭجاڭ-ۇيعىر اۆتونوميالىق وكرۋگىنە قاتىستى ساياساتىنا قارسى شىعۋدا، – دەدى ول.

ەرتىسبايەۆتىڭ پىكىرىنشە، امەريكا قىتايدىڭ قارىشتاپ دامىپ كەلە جاتقانىنا قاتتى الاڭداۋشىلىق بىلدىرۋدە. ويتكەنى امەريكا №1 دەرجاۆا بولۋدان قالاتىن ءتۇرى بار. ءقازىردىڭ وزىندە ءجىو بويىنشا قىتايعا جول بەرىپ قويعان.

– امەريكا "ءبىر بەلدەۋ – ءبىر جول" جوباسى تىنىق مۇحيتىنان اتلانت مۇحيتىنا دەيىنگى ەڭ قۋاتتى حالىقارالىق ساۋدا-ەكونوميكالىق، وندىرىستىك-تەحنيكالىق بىرلەستىككە اينالاتىنىن ءتۇسىنىپ وتىر، – دەگەن ول ايتقاندارىن قىتايدىڭ ەۋرازيا اۋماعىندا ەرەكشە ىقپالعا يە بولىپ بارا جاتقانىنا امەريكا كەز كەلگەن جولمەن توسقاۋىل بولعىسى كەلەدى دەپ بەكىتە ءتۇستى.

ە.ەرتىسبايەۆ: قىتايعا قارسى ميتينگتەردىڭ ارتىندا اقش تۇر

پىكىر قالدىرۋ

قاتىستى ماقالالار