ءۇندىستاننان كەلگەن 8 جۇمىسشى قۇرىلىس نىسانىندا توبەلەس شىعاردى، – دەپ Qamshy.kz اقپارات اگەنتتىگى حابارلايدى، نۇر-سۇلتان قالاسى پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
دەپارتامەنتتىڭ مالىمدەۋىنشە، جاتاقحانا اۋماعىندا ءۇندىستان ازاماتتارى اراسىندا توبەلەس بولعان.
وقيعا سالدارىنان ءۇش ادام جاراقات العان. ال "ەسىل" اۋدانىنىڭ پوليسيا باسقارماسىنا 8 شەتەلدىك جۇمىسشى جەتكىزىلگەن.
پوليسيادا قۇرىلىس نىسانىنىڭ اتاۋىن ناقتىلاعان جوق. قازىرگى ۋاقىتتا بۇل فاكتى بويىنشا قىلمىستىق كودەكستىڭ "بۇزاقىلىق" بابىنا سايكەس، سوتقا دەيىنگى تەرگەۋ باستالدى.
ال كىنالىلەرگە ەكى مىڭ ايلىق ەسەپتىك كورسەتكىشكە دەيىن (5 ميلليون تەڭگەدەن استام) ايىپپۇل سالىنۋى نەمەسە 2 جىلعا دەيىن باس بوستاندىعىن شەكتەۋ جازاسى قاراستىرىلعان. سونداي-اق ءدال وسى مەرزىمگە باس بوستاندىعىنان ايىرىلۋى دا مۇمكىن.
پىكىر قالدىرۋ