وتكەن جىلى قازاقستان حالقىنا ارناعان جولداۋىندا تۇڭعىش-پرەزيدەنت–ەلباسى نۇرسۇلتان نازاربايەۆ اۋىل شارۋاشىلىعىنداعى تابىستىلىقتى ارتتىرۋ ءۇشىن «اقىلدى تەحنولوگيالاردى» پايدالانۋ قاجەتتىگىنە باسىمدىق بەرگەن بولاتىن. ءوز كەزەگىندە جامبىل اگروسەكتوردى سيفرلاندىرۋ ءۇردىسى جۇيەلى جولعا قويىلعانىن اتاپ وتكەن ءجون، دەپ جازادى Qamshy.kz اقپارات اگەنتتىگى. 

ماسەلەن وسىمدىك شارۋاشىلىعىمەن اينالىساتىن «سمارتاگرو قارقارا» جانە «گرين ۆيلل» جاۋاپكەرشىلىگى شەكتەۋلى سەرىكتەستىكتەرى مەن «سامعاۋ» شارۋا قوجالىعى ءوز قىزمەتىن ۇيىمداستىرۋدا سيفرلاندىرۋ تاجىريبەسىن كەڭىنەن قولدانىلۋدا. «سامعاۋ» شارۋا قوجالىعى GPS باقىلاۋ ورناتىلعان «دجوندير» ماركالى تراكتورىن پايدالانادى. بۇل قۇرىلعى جۇرگىزۋشىسىز اۆتوماتتى رەجيمدە ارنايى باعدارلاما كومەگىمەن باسقارىلادى. ءتىپتى تراكتورعا الدىن الا نۇسقاۋ بەرىپ، جۇمىستىڭ ءتۇرى جانە كولەمىن كورسەتۋگە دە بولادى. ال، «سمارت اگرو قارقارا» جاۋاپكەرشىلىگى شەكتەۋلى سەرىكتەستىگى ەگىس القاپتارى قاشىقتىقتان باقىلانادى. سول ارقىلى اگرو قۇرىلىم تۇقىم سەبۋدە دالدىك تەحنولوگيانى قولدانادى. ناتيجەسىندە شارۋالار تۇقىمنىڭ بىركەلكى سەبىلۋى مەن جوعارى ونىمدىلىككە قول جەتكىزدى. وزىق تەحنولوگيا ەگىس القابىنداعى ارام شوپتەردىڭ تارالۋ القابى جايىنداعى ناقتى مالىمەتتەردى ۇسىنۋ قابىلەتىنە يە. وسى مالىمەتتەر ارقىلى باعدارلاما القاپقا سەبىلەتىن حيميالىق پرەپاراتتاردىڭ مولشەرىن دە ءوزى انىقتايدى. بۇل تەحنولوگيانى تيىمدىلىگى تىڭايتقىش پەن پرەپاراتتى ناقتى ماقساتتى ورىنعا سەبۋ ەسەبىنەن ۇنەمدەۋىندە بولىپ وتىر.

مەركى اۋدانى اۋماعىندا قانت قىزىلشاسىن ەگۋمەن اينىلىساتىن «سمارت اگرو قارقارا» جاۋاپكەرشىلىگى شەكتەۋلى سەرىكتەستىگى Deutz Fahr L720 ماركالى تراكتورىن كادەگە جاراتادى. ناۆيگاتورلىق جۇيە ارقىلى جۇمىس جاسايتىن بۇل تراكتور القاپتى وڭدەۋدە ناقتى ەسەپتەۋلەر جۇرگىزەدى. سونىڭ ەسەبىنەن شارۋالاردىڭ جانار-جاعار ماي مەن تىڭايتقىشتار جۇمسالاتىن شىعىندارى ەكى ەسەگە دەيىن كەمىدى. سەرىكتەستىكتە درونداردىڭ كومەگىمەن ەگىس القابىنىڭ قۇنارلىلىق كارتاسى جاسالادى. بۇل ءادىس شارۋالارعا كۇزگى جانە كوكتەمگى دالا جۇمىستارى كەزىندە كوپ قولعابىس جاسايدى.

سونداي-اق قورداي اۋدانىنداعى «گرين ۆيلل» جاۋاپكەرشىلىگى شەكتەۋلى سەرىكتەستىگىنىڭ جىلىجايى اكۆاپونيكالىق ادىسپەن وڭتۇستىككورەيالىق تەحنولوگيامەن جۇمىس جاسايدى. سوندىقتان دا اگروكەشەن اۋماعى تولىقتاي كومپيۋتەرلىك باعدارلامانىڭ باقىلاۋىندا بولادى.