باق-پەن بەرىك بايلانىس قاشاندا جەرگىلىكتى اتقارۋشى ورگاندار جۇمىسىن ىلگەرىلەتۋدىڭ العىشارتى سانالادى. سوندىقتان دا جۇيەلى جۇمىستاردى حالىققا جەتكىزۋ، ناسيحاتتاۋ، جەمىستى جوبالاردى جارنامالاۋ شارالارىن ۇتىمدى ۇيىمداستىرا ءبىلۋ قاجەت-اق. بۇل ورايدا، جامبىل وبلىسىندا جەرگىلىكتى بۇقارالىق اقپارات قۇرالدارىنىڭ مۇمكىندىگى مولىنان پايدالانىلىپ جاتىر. اسىرەسە Jambyl تەلەارناسىندا قولعا الىنعان تەليەۆيزيالىق جوبالاردا جەرگىلىكتى جەردە اتقارىلعان جۇيەلى جۇمىستار كوپشىلىككە ءوز دەڭگەيىندە ناسيحاتتالۋدا، دەپ جازادى Qamshy.kz اقپارات اگەنتتىگى.
جەرگىلىكتى اتقارۋشى ورگانداردىڭ جۇمىس الگوريتمدەرىنە ساي وبلىس اكىمىنىڭ بارلىق ورىنباسارلارىمەن بىرگە تاراز قالاسىنىڭ اكىمى، 7 اۋدان اكىمى Jambyl تەلەارناسىنداعى «اكىمدىك ساعاتى» باعدارلاماسىنا تىكەلەي ەفيرگە شىعىپ، وزدەرىنىڭ باسشىلىق ەتۋىمەن اتقارىلىپ جاتقان جۇيەلى جۇمىستى حالىققا جەتكىزدى. تەلەباعدارلاما تىكەلەي ەفير فورماتىندا وتكەندىكتەن تۇرعىندار جاۋاپتى تۇلعالارعا تەلەفون ارقىلى سۇراقتارىن قويىپ، تۇشىمدى جاۋاپتارىن الدى.
سونداي-اق وڭىردەگى تاريحي ورىندار جايىندا تولىق ماعۇلمات بەرەتىن «جادىگەر» تەلەباعدارلاماسىنىڭ دا تاريحي ولكەنىنىڭ وتكەنىن ۇرپاققا تانىتۋداعى ماقساتى ايقىن. بۇگىندە Jambyl تەلەارناسىنىڭ كورمەرمەندەرى بۇل باعدارلامانىڭ 8 شىعارىلىمىن تاماشالاپ، وڭ باعاسىن بەردى. ال تاراز قالاسى مەن اۋدانداردى مەملەكەتتىك ساياسات شەڭبەرىندە اتقارىلعان جۇمىستار «جامبىلداعى جاڭا كەزەڭ» تەلەباعدارلاماسىندا كورىنىس تاپتى. كۇنى بۇگىنگە دەيىن اتالعان باعدارلامانىڭ شىعارماشىلىق ۇجىمى كورەرمەندەرىنە وبلىستاعى بارلىق اۋداندارداعى جۇيەلى جۇمىستى كورسەتىپ ۇلگەردى. 11 رەت ەفيرگە بەرىلگەن بۇل تەلەجوبانىڭ دا ەل مەن جەردە اتقارىلعان شارۋادان حاباردار ەتۋدەگى ءرولى زور بولدى. سايكەسىنشە وبلىس اكىمدىگىنە قاراستى باسقارمالاردا جاسالىنعان جۇمىس كورەرمەن نازارىنا «جامبىل اقپارات» باعدارلاماسى ارقىلى ۇسىنىلىپ كەلەدى. تەلەجوبا بارىسىندا كورەرمەندەر اۋقىمدى مەملەكەتتىك باعدارلامالاردى ىسكە اسىرۋدىڭ وڭىردەگى اياق الىسىمەن جاقىنىراق تانىستى. سونداي-اق «جامبىل وبلىسىنا 80 جىل» باعدارلاماسىندا دا ءوڭىر تاريحىنا قاتىستى تۇشىمدى دەرەكتەر ايتىلدى.
اتالعان باعدارلامالار رەسپۋبليكالىق وڭ تۆ تەلەارناسىنان دا كورسەتىلىپ جاتىر.
پىكىر قالدىرۋ