جامبىل وبلىسىندا جىل ساناپ كاسىپكەرلىك سالاسىنا ايرىقشا كوڭىل ءبولىنىپ كەلەدى. اسىرەسە «بيزنەستىڭ جول كارتاسى 2020» مەملەكەتتىك باعدارلاماسى جامبىلدىق كاسىپكەرلەردىڭ ەكىنشى تىنىسىن اشتى. تۇڭعىش پرەزيدەنت-ەلباسى نۇرسۇلتان نازاربايەۆتىڭ قازاقستان حالقىنا جاساعان جولداۋىنا ساي 2025 جىلعا دەيىن سوزىلعان مەملەكەتتىك باعدارلاما وڭىردەگى ءبىرقاتار كاسىپكەرلىك نىسانداردىڭ جۇمىسىن جولعا قويۋدا كادەگە جاراۋدا. ولاردىڭ قاتارىندا تاراز قالاسىنداعى «ساۋلە» كونديتەرلىك فابريكاسى دا بار، دەپ جازادى Qamshy.kz اقپارات اگەنتتىگى.
تاراز قالاسى اىپ حيميا ونەركاسىبى كەشەنى بولۋىمەن بىرگە جەڭىلونەركاسىپ نىساندارىنىڭ جۇمىسى جولعا قويىلعان شاھار رەتىندە بەلگىلى. تۇتىنۋشىلار سۇرانىسىن وتەۋ ماقساتىندا مۇندا سوڭعى جىلدارى تاماق ونەركاسىبىنىڭ كوكجيەگى كەڭەيە تۇسۋدە. مەملەكەتتىك باعدارلاما كومەگىمەن وبلىس ورتالىعىندا جوعارى ساپالى كونديتەرلىك ءونىمنىڭ 34 ءتۇرىن ۇسىنا الاتىن «ساۋلە» كونديتەرلىك فابريكاسى دا ءوز جۇمىسىن باستادى.
–كەيىننەن كونديتەرلىك فابريكا اينالعان عيماراتقا وسىدان 4 جىل بۇرىن قول جەتكىزدىك. ءبىز ءونىم وندىرۋدە اۆستريالىق HAAS كومپانياسىنىڭ جابدىقتارىن قولدانامىز. قۇرال جابدىقتى الۋ جانە ونداعى وندىرىستىك جۇمىستاردى ۇيىمداستىرۋ ءۇشىن Halyk Bank-تەن 1 ميلليارد 200 ميلليون تەڭگە كولەمىندە نەسيە الدىق. «بيزنەستىڭ جول كارتاسى – 2020» مەملەكەتتىك باعدارلاماسى ارقىلى «دامۋ» قورى بانكتەن العان نەسيەنىڭ 10 پايىزى سۋبسيديالاندى. كونديتەرلىك فابريكانىڭ وندىرىستىك قۋاتتىلىعى ايىنا 250 توننا كونديتەرلىك ءونىمدى قۇرايدى. كاسىپورىندا 30 ادام تۇراقتى جۇمىسپەن قامتىلعان. بولاشاقتا ءوندىرىس وشاعىنىڭ وندىرىستىك قۋاتىن ەسەلەپ ارتتىرىپ، ونداعى ءونىم تۇرلەرىن كوبەيتۋ جوسپاردا بار. سايكەسىنشە كونديتەرلىك فابريكاداعى جۇمىسشىلار سانىن 200-گە دەيىن كوبەيتۋگە نيەت ەتىپ وتىرمىز،– دەيدى «ساۋلە» كونديتەرلىك فابريكاسىنىڭ ديرەكتورى ساۋلە جانابەكوۆا.
جالپى جىلىنا 2100 توننا ءونىم وندىرۋگە قابىلەتتى كاسىپورىننىڭ وندىرىستىك قۋاتىن ارتتىرۋ باعىتىنداعى اۋقىمدى جوسپارلارى بارشىلىق. كونديتەرلىك فابريكا قۇرىلىسىنىڭ ەكىنشى كەزەڭى اياقتالۋى ەسەبىنەن كاسىپورىننىڭ جىلدىق قۋاتتىلىعى 4500 تونناعا دەيىن ارتاق. جەكە كاسىپكەر كەلەشەكتە كونديتەرلىك فابريكانىڭ وندىرىستىك قۋاتتىلىعىن 12 000 تونناعا دەيىن ۇلعايتۋعا جوسپار قۇرۋدا.
