سەمەيلىك ديلناز قۇماروۆا يراكليون قالاسىندا كريت ارالىندا وتكەن برازيليالىق دجيۋ-دجيتسۋ بويىنشا ەۋروپا بىرىنشىلىگىندە التىن مەدال يەلەندى. ال، ءاليحان احمەتجانوۆ چەمپيوناتتىڭ قولا جۇلدەگەرى اتاندى.
سەمەي اۋەجايىنان جاس سپورتشىلاردى سەمەي قالاسىنىڭ اكىمى ەرماك ءسالىموۆ، برازيليالىق دجيۋ-دجيتسۋ مەكتەبىنىڭ نەگىزىن قالاۋشى ايدوس سەرىكقالي ۇلى، سپورتشىلاردىڭ تۋعان-تۋىستارى مەن دوستارى قارسى الدى.
ديلناز - ءتۇرلى چەمپيوناتتاردىڭ بىرنەشە دۇركىن جۇلدەگەرى، وسى جولى تاعى ءبىر مارتە باعى جانىپ، قۇرمەتتى ءبىرىنشى ورىندى يەلەندى.
سەمەي قالاسىندا برازيليالىق دجيۋ-دجيتسۋ كلۋبىن ءۇش جىل بۇرىن كاسىپكەر ايدوس سەرىكقالي ۇلى اشقان. بالالارعا كلۋبتا تەگىن اينالىسۋعا مۇمكىندىك بەرىلدى. باستى ماقسات- تاباندىلىق تانىتىپ، جاقسى كورسەتكىش كورسەتۋ. توقسان قورىتىندىسى بويىنشا ەڭ ۇزدىكتەر چەمپيوناتتارعا قاتىستىرىلاتىن بولادى.
