قوعامنىڭ بارلىعى سالاسىنا دەندەپ ەنگەن سيفرلاندىرۋ ءۇردىسى اگروسالانى باسەكەگە قابىلەتتى ەتۋگە، حالىقارالىق تالاپتاردىڭ ۇدەسىنەن شىعۋىنا مول سەرپىن بەرىپ كەلەدى. ءارى بۇل جۇمىستار جامبىل وڭىرىندە كەزەڭ-كەزەڭىمەن ءوز جالعاسىن تابىپ، اگروسەكتوردىڭ بارلىق سالاسىن قامتىعان، دەپ جازادى Qamshy.kz اقپارات اگەنتتىگى.
وتكەن جىلى «قازاقستان عارىش ساپارى» ۇلتتىق كومپانياسى» اكسيونەرلىك قوعامى ارقىلى جەردى قاشىقتىقتان زوندتاۋ تاجىريبەسى بارلىق اۋداندارعا ەنگىزىلدى. سول ارقىلى جەردى زاڭسىز پايدالانۋشىلاردى انىقتاۋعا مول مۇمكىندىك بەرىپ كەلەدى. جەردى قاشىقتىقتان زوندتاۋ ارقىلى الىنعان اقپاراتتار ارقىلى سالا ماماندارى جەر قورى رەسۋرستارىنىڭ ينتەراكتيۆتى كارتاسىن دايىنداۋعا كىرىستى. بۇل كارتا كومەگىمەن جەر قويناۋىن زاڭسىز پايدالانۋ فاكتىلەرى ءوز ۋاقىتىسىندا اشىلادى.
وڭىردە جەردى قاشىقتىقتان باسقارۋ تاجىريبەسىمەن بىرگە مال شارۋاشىلىعى سالاسىندا سيفرلاندىرۋدىڭ وڭ تاجىريبەسى قالىپتاسىپ كەلەدى. بۇل تاجىريبەنى ءقازىر قورداي اۋدانىنداعى «قاقپاتاس-قورداي» جاۋاپكەرشىلىگى شەكتەۋلى سەرىكتەستىگى ءوز تاجىريبەسىنە ەنگىزىپ ۇلگەردى. 600 باسقا ارنالعان تاۋارلى سۇت-فەرماسىنداعى ءاربىر سيىر ارنايى چيپپەن قامتاماسىز ەتىلگەن. شارۋالارعا كومپيۋتەر وسى چيپتەر ارقىلى سيىردىڭ دەنساۋلىعىنا قاتىستى اقپاراتتاردى ۇسىنادى. تولىعىمەن اۆتوماتتاندىرىلعان جۇيە سيىردىڭ ساۋىلعان سۇتىنە دە تالداۋ جاسايدى. سول ارقىلى ءتيىستى ماماندار مال اۋرۋلارىنىڭ الدىن الادى. ءتىپتى كومپيۋتەر شارۋاعا سيىرلارعا ارنالعان جايىلىمدى جەرلەرىن كەزەڭ-كەزەڭىمەن اۋىستىرۋىن باعدارلاما ارقىلى ىسكە اسىرىلادى.
جىل سوڭىنا دەيىن جۋالى اۋدانىنداعى «گامبۋرگ» شارۋا قوجالاعى دا تولىقتاي سيفرلاندىرىلعان جۇيەگە اۋىسادى. مال شارۋاشىلىعىن سيفرلاندىرۋ ارقىلى جۋالىلىق شارۋالار 1200 باس سيىر بار اگروقۇرىلىمدى تاۋارلى سۇت-فەرماسىن كومپيۋتەر تەتىگى ارقىلى باسقارۋعا مۇمكىندىك بەرۋىمەن ەرەكشەلەنگەنى تۇر.
جالپى ەسەپتى كەزەڭدە وبلىس اكىمدىگىنىڭ اۋىل شارۋاشىلىعى باسقارماسىندا كورسەتىلەتىن قىزمەت تۇرلەرىن ەلەكتروندى رەجيمگە اۋىسا باستادى. كۇنى بۇگىنگە دەيىن باسقارمادان ۇسىنىلاتىن 53 مەملەكەتتىك قىزمەتتىڭ 25ء-ى اۆتوماتتاندىرىلعان جۇيەگە اۋىستى. وتكەن جىلى شارۋالار ءۇشىن مينەرالدى تىڭايتقىشتاردى سۋبسيديالاۋ باعدارلاماسى تولىعىمەن اۆتوماتتاندىرىلدى.
