كاتونقاراعاي اۋدانىنداعى بەس تىرەك اۋىلدا ينفراقۇرىلىمدىق جوبالار ىسكە اسىرىلادى. مۇنداعى باستى ماقسات – ەلدى مەكەندەردى كوركەيتىپ، حالىقتىڭ ءال-اۋقاتىن ارتتىرۋ. بۇل تۋرالى ايماقتىق كوممۋنيكاسيالار قىزمەتىندە وتكەن بريفينگتە كاتونقاراعاي اۋدانىنىڭ اكىمى رەنات قۇرمامبايەۆ ءمالىم ەتتى.
كاتونقاراعاي اۋدانىندا مەملەكەت باسشىسىنىڭ تاپسىرماسى بويىنشا ەلباسىنىڭ «اۋىل – ەل بەسىگى» ارنايى جوباسىن جۇزەگە اسىرۋ جۇمىستارى جالعاستىرىلادى.
– اققاينار، سولداتوۆا، نوۆو-حايرۋزوۆكا اۋىلىنىڭ تۇرعىندارى ساپالى اۋىز سۋمەن قامتاماسىز ەتىلدى. بۇل «وڭىرلەردى دامىتۋ» باعدارلاماسى اياسىندا ىسكە اسىرىلدى، – دەدى اۋدان باسشىسى.
بيىل التىنبەل، ۇلكەن نارىن، كاتونقاراعاي اۋىلدارىندا اباتتاندىرۋ جۇمىستارى جۇرگىزىلدى. وسى ماقساتتا 30 ميلليون تەڭگە ءبولىندى. وعان بالالارعا ارنالعان ويىن الاڭدارى سالىندى. بۇدان بولەك workout الاڭدارى ورناتىلدى.
