ستەللا تۇسكەن سەريانى مىنا جەردەن 20 مين 42 سەكۋندتان باستاپ كورۋگە بولادى.

بۇل – ەتنيكالىق قازاقتىڭ كينوداعى العاشقى ءرولى ەمەس. بۇعان دەيىن ول كوپتەگەن قىسقامەتراجدى فيلمدەر مەن جارنامالىق روليكتەرگە ءتۇسىپتى.  2020 جىلى ۇلكەن ەكرانعا ونىڭ قاتىسۋىمەن تۇسىرىلگەن "Stargirl" ءفيلمى جارىققا شىقپاق. ال العاشقى ءرولىن "بويجەتكەن جانە ونىڭ ءزومبيى" تۋىندىسىندا سومداعان.


ستەللا ءسميتتىڭ ءومىربايانىندا ونىڭ ازيا-امەريكالىق ءارتىس ەكەنى جازىلعان. ول امەريكا ازاماتتارى – ليبەرتي مەن لاۋرا ءسميتتىڭ جالعىز پەرزەنتى. ولار ونى 2004 جىلى 8 ايلىق كەزىندە قاراعاندىدان اسىراپ العان. ليبەرتي مەن لاۋرا سميت اتا-انا اتانعان كۇندى ومىرلەرىندەگى ەڭ باقىتتى ساتتەرىنە بالايدى ەكەن.

ستەللا بالا كەزىنەن مودەل بولىپ جۇمىس ىستەپ كەلەدى. ونىڭ ارتىستىك قابىلەتىن بايقاعان اتا-اناسى قىزدارىن بارىنشا قولداعان. ارتىستىك شەبەرلىك كۋرسىنا بەرىپ، پەرزەنتتەرىنىڭ ارمانىن ورىنداۋعا بارىن سالعان.

ونىڭ العاشقى جۇمىستارىنىڭ ءبىرى – "Stevie B’s" اتتى پيسسەريانىڭ جارناماسىنا ءتۇسۋى. ول كەزدە ستەللا 8 جاستا بولاتىن. 


تەگى قازاق امەريكالىق بۇگىندە اقش-تاعى ويىن-ساۋىق يندۋسترياسى مەن ب ا ق سالاسىنداعى قىزمەتكەرلەردىڭ "SAG-AFTRA" اتتى ءىرى وداعىنىڭ مۇشەسى. Paradigm Talent Agency جانە Cohen Entertainment اگەنتتىكتەرىمەن كەلىسىم-شارت جاساسقان.