سارىسۋ اۋدانىنداعى 1-6 جاس ارالىعىنداعى بۇلدىرشىندەردى مەكتەپكە دەيىنگى وقىتۋ، تاربيەلەۋ جۇمىستارىمەن قامتۋ كورسەتكىشى 90،7 پايىزدى قۇرايدى. قازىرگى تاڭدا اۋماعىنداعى بۇلدىرشىندەردىڭ مەكتەپكە دەيىنگى تاربيەلەۋمەن قامتۋ ۇلەسى 84 پايىزدى قۇرايتىنىن ەسكەرسەك سارىسۋلىقتار بۇلدىرشىندەرىن بالاباقشامەن قامتاماسىز ەتۋدە وبلىس بويىنشا كوش باستاپ تۇرعانىن اڭعارۋعا بولادى، دەپ جازادى Qamshy.kz اقپارات اگەنتتىگى. 

جالپى قاي ءوڭىردىڭ بولماسىن الەۋمەتتىك-ەكونوميكالىق دامۋىنا باعا بەرۋدە ونداعى ءبىلىم بەرۋ سالاسىنىڭ بارلىق بۋىنىنداعى سونى سەرپىننىڭ ەسەپكە الىناتىنى بەلگىلى. اسىرەسە بۇلدىرشىندەردى بالاباقشامەن، وقۋشىلاردى مەكتەپپەن قامتۋ ىسىنە باسا نازار اۋدارىلعانى ءجون. بۇل ورايدا سارىسۋ اۋدانىنداعى ءبىلىم نىساندارمەن قامتۋ كورسەتكىشتەرىنىڭ جوعارى ال وندا ءبىلىم ساپاسىنىڭ ءتيىستى ستاندارتتارعا ساي كەلەتىندىگىن اتاپ وتپەسكە بولمايدى.

بۇگىندە سارىسۋ اۋدانىنىڭ ءبىلىم بەرۋ سالاسىنىڭ دامۋىنا جالپى ءبىلىم بەرەتىن 27 مەكتەپ پەن 10 قوسىمشا ءبىلىم بەرۋ مەكەمەسى ۇلەس قوسۋدا. سونىمەن قاتار 11 بالاباقشا جانە 1 پسيحولوگيالىق-پەداگوگيكالىق تۇزەتۋ كابينەتىنىڭ دە ايماقتاعى ءبىلىم سالاسى دامۋىندا وزىندىك ءىزى بار. جاڭا وقۋ جىلىندا اۋدان مەكتەپتەرىندەگى جالپى سىنىپ كونتەنينگەنتى 547 سىنىپتى قۇراپ،وندا 8 879 وقۋشى ءبىلىم الۋدى استادى. وتكەن وقۋ جىلىندا بۇل كورسەتكىش 541 سىنىپ كونتەنينگەنتىندە 8 638 وقۋشى توڭىرەگىندە بولعان ەدى.

ءبىلىم ساپاسىندا جوعارى ناتيجەگە قول جەتكىزۋ وقۋشىلاردىڭ دەمالىسىن جۇيەلى ۇيىمداستىرۋدان كورىنەدى. اعىمداعى جىلى سارىسۋلىق مەكتەپ وقۋشىلارى مەكتەپ جانىنداعى جانە قالا سىرتىنداعى لاگەرلەردە دەمالدى. وتكەن وقۋ جىلىندا 1-10-سىنىپتى 8365 وقۋشى اياقتاعان بولسا 7779 وقۋشى جازعى ساۋىقتىرۋعا تارتىلدى. بۇل جالپى سارىسۋلىق وقۋشىلاردىڭ 91،1 پايىزىن قۇرايدى.

ءوز كەزەگىندە اۋداندا مەكتەپكە دەيىنگى وقىتۋ جانە تاربيەمەن قامتۋ ۇلەسىن ارتتىرۋ باعىتتارىنداعى جۇمىستار جالعاسىن تابۋدا. سول ارقىلى مەكتەپكە دەيىنگى مەكەمەلەردە كەزەكتە تۇرعان 335 ءبۇلدىرشىندى مەكتەپكە دەيىنگى تاربيەلەۋ جۇمىستارىمەن قامتۋ ماسەلەسى تولىعىمەن شەشىمىن تاپپاق.

قاي قوعامدا بولماسىن ەڭ ۇرپاق تاربيەسى ەڭ وزەكتى ماسەلەگە جاتادى. سوندىقتان دا ونى جۇيەلى ۇيىمداستىرا ءبىلۋ ايماق دامۋىنىڭ نەگىزگى باعىتىنا اينالادى. سايكەسىنشى بۇل سالاعا قازاقستان حالقىنا ارناعان جولداۋىندا مەملەكەت باسشىسى قاسىم-جومارت توقايەۆ ايرىقشا نازار اۋدارىپ، ءبىلىم بەرۋ ىسىندە جوعارى ساپاعا قول جەتكىزۋدىڭ تەتىكتەرىنە توقتالادى. اسىرەسە اۋىل مەن قالا مەكتەبى اراسىنداعى ايىرماشىلىقتى جويۋ سىندى باستامالار سارىسۋ سىندى ەلىمىزدىڭ شالعاي اۋداندارىندا ساپالى ءبىلىمنىڭ بەرىلۋىنە مۇمكىندىك بەرمەك.