جامبىلدىق جۋرناليستەرمەن سالاعا ەندى اياق باسقان جاس ماماندار «Qazaqstan» ۇلتتىق تەلەراديو كورپوراسياسىنىڭ باس رەداكتورى، تانىمال جۋرناليست، قازاقستاننىڭ ەڭبەك سىڭىرگەن قايراتكەرى قاينار ولجاي كەزدەستى، دەپ جازادى Qamshy.kz اقپارات اگەنتتىگى. 

اسەرلى كەزدەسۋ ەڭ اۋەلى م. ح. دۋلاتي اتىنداعى ءتارمۋ-دىڭ ءماجىلىس زالىندا «جۋرناليستيكا» ماماندىعى ستۋدەنتتەرى ءوتتى. بۇل باسقوسۋدا ساقا جۋرناليست قالامگەرلىككە تاڭداۋ جاساعان جاستارعا اقىل-كەڭەسىن ايتىپ، ولاردىڭ كوكەيلەرىندە جۇرگەن ساۋالدارىنا جاۋاپ قايتتى. سونداي ءدال وسى كۇنى ءتۇس اۋا قاينار قالياقپار ۇلى شوقان ءۋاليحانوۆ اتىنداعى وبلىستىق امبەباپ-عىلىمي كىتاپحاناسىندا جەرگىلىكتى ب ا ق وكىلدەرىمەن جۇزدەستى. جيىندى اشىپ بەرىپ، جۇرگىزىپ وتىرعان جۋرناليست، وبلىستىق ءماسليحاتتىڭ دەپۋتاتى مەيرامبەك تولەپبەرگەن ءقادىرلى قوناقتىڭ ءجۇرىپ وتكەن ءومىر جولى، جەتىستىگى، اتاق - ابىرويى، ومىرلىك ۇستانىمدارىنا توقتالىپ، جيىلعانداردى اشىق اڭگىمە وربىتۋگە شاقىردى.

قاينار ولجاي ءوز سوزىندە بۇگىنگى جۋرناليستيكا الەمى مەن كوركەمسوز كەڭىستىگىندەگى جاڭاشىلدىقتاردى، ءداستۇرلى جۋرناليستيكا مەن بلوگەرلەر باسەكەسى قىزىپ تۇرعانىن ايتتى. ول بۇل جاعدايدا جۋرناليستەر وزدەرىنىڭ مىقتىلىعىن جانە قاجەتتىلىگىن، بىلىمدىلىگى، جان - جاقتىلىعى، جاڭاشىلدىعى، كەز كەلگەن جەردەن اقپارات الا الاتىن شەبەرلىگى، بارلىق تاقىرىپتى جەرىنە جەتكىزىپ، تەرەڭ جازا الاتىن تالانتى بولۋى ارقىلى دالەلدەي الاتىنىن، ىزدەنىسىمەن عانا بلوگەرلەردى شاڭ قاپتىراتىنىن جەتكىزدى. «سايتتارداعى ماقالالاردىڭ جازىلۋ دەڭگەيى بەلگىلى باسىلىمدارمەن سالىستىرعاندا مەكتەپتەردەگى قابىرعا گەزەتىمەن تەڭ» - دەپ باعا بەردى ول.

مۇنان سوڭ وبلىستىق «اq joءى» گازەتىنىڭ باس رەداكتورى كوسەمالى ءساتتىباي ۇلى، «Arai» جاستار گازەتىنىڭ باس رەداكتورى داۋلەت تولەندى، رەسپۋبليكالىق «ايقىن» گازەتىنىڭ وبلىستاعى مەنشىكتى ءتىلشىسى ەرمان ابدييەۆ، «تاراز 24. kz» اقپارات الاڭىنىڭ ديرەكتورى زارينا قۋاتوۆا، اقىن بايماحانبەت احمەت، «77» تەلەارناسىنىڭ رەداكتورى اقساۋلە ءابدىراي كەلگەن قوناققا ءتۇرلى سۇراقتار قويدى. وپپوزيسيالىق باعىتتاعى جۋرناليستيكا بار - جوق ەكەندىگى تۋرالى، تەرميندەردىڭ زاڭدىلىقتارى، اۋدارما ماسەلەلەرى، ءانشى مەن اكتەرلەردىڭ توڭىرگىندەگى سۇراققا ق.ولجاي ساپالى، ناقتى جاۋاپ بەردى.

جيىن سوڭىندا كوسەمالى ءساتتىباي ۇلى وبلىستاعى جۋرناليستەردىڭ قاينار ولجايمەن كەزدەسۋى جاس جۋرناليستەردىڭ جۇمىسىنا جاڭا سەرپىن بەرەتىنىنە توقتالىپ، وسىنداي كەزدەسۋلەر سالا ماماندارى اراسىندا داستۇرگە اينالسا دەگەن ۇسىنىسىن جەتكىزدى.