سارىسۋ اۋدانىندا الەۋمەتتىك جانە اۋىل شارۋشىلىعى سالالارىمەن بىرگە كاسىپكەرلىكتە قۇلاشىن كەڭگە سەرمەپ جاتىر. ءقازىر اۋداندا 696 شاعىن جانە ورتا بيزنەس نىسانى تىركەلگەن بولسا، ونىڭ ىشىندە شاعىن جانە ورتا بيزنەس وكىلدەرىنىڭ سانى 146 بولسا، جەكە كاسىپكەرلەردىڭ سانى 1 908ء-تى قۇرايدى. سونداي-اق اۋداندا 642 شارۋا قوجالىعى قىزمەت كورسەتەدى، دەپ جازادى Qamshy.kz اقپارات اگەنتتىگى. 

جالپى سارىسۋدا بەلسەندى ارەكەت ەتەتىن كاسىپكەرلىك نىساندارىنىڭ سانى جىل ساناپ ارتا تۇسۋدە. ماسەلەن بىلتىر اۋدانداعى كاسىپكەرلىك نىساندارىنىڭ 74،6 پايىزى بەلسەندى بولسا، بەلسەندىلىلىك ۇلەسى بيىل 7 پايىزعا جاقسارىپ، 81،5 پايىزعا تەڭەستى. اۋدانعى كاسىپكەرلىك سۋبەكتىلەرىنىڭ دە سانىنىڭ ارتۋىنىڭ دا بۇل كورسەتكىشكە ءوز اسەرى بار ەكەنى بەلگىلى. سەبەبى جىل باسىنان بەرگى ارالىقتا اۋداندا 282 كاسىپكەرلىك نىسانى ءوز جۇمىسىن باستاعان.

نەگىزىنەن اۋدانداعى كاسىپكەرلىك سالاسىنىڭ كەڭ ورىستەۋىنەن سالاعا مەملەكەت تاراپىنان لايىقتى جاعداي جاسالىپ وتىرعانى دا ءوز اسەرىن تيگىزىپ جاتقانى داۋسىز. تەك بيىلعى جىلدىڭ وزىندە اۋداندا «بيزنەستىڭ جول كارتاسى – 2020» باعدارلاماسىمەن 6 جوبا قارجىلاندىرىلدى. بۇل جوبالارعا قارالعان قاراجاتتىڭ جالپى كولەمى 64 ميلليون 700 مىڭ تەڭگە. مۇنداعى 27 ميلليون 2 جوباعا سۋبسيديا تاعايىنداۋعا جۇمسالعان. ال 2 جوبا 7 ميلليون 700 مىڭ تەڭگە كولەمىندە كەپىلزاتپەن قامتىلعن. سونداي-اق 1 جوبا 1،5 ملن. تەڭگەگە گرانتتىق قاراجاتقا قول جەتكىزگەن. بايقادام اۋىلدىق وكرۋگىندەگى «ىنتىماق» شارۋا قوجالىعىنا ەلەكتر جەلىسىن تارتۋ جۇمىستارىنا ارنايى قارجى قارالدى. شارۋالاردى ەلەكتر جارىعىمەن قامتۋى ءتيىس بۇل جوبانىڭ قۇنى 28 ميلليون تەڭگەگە باعلانىپ وتىر.

شاعىن جانە ورتا بيزنەستىڭ بەدەلىن ارتتىرۋدا «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى» دا مول مۇمكىندىك بەرىپ جاتىر. باعدارلاما اياسىندا اۋىل شارۋاشىلىعىن قارجىلاي قولداۋ قورى ارقىلى سارىسۋلىق شارۋالاردىڭ 30 جوباسى ماقۇلداندى. بۇل جوبالارعا قاراستىرىلعان قارجى كولەمى 104 ميلليون 900 تەڭگەگە تەڭ. باعدارلاما كومەگىمەن «ساۋداكەنت» نەسيە سەرىكتەستىگى ارقىلى قۇنى 43 ميلليون 600 مىڭ تەڭگەنى قۇرايتىن 11 جوبا راستالدى. ەكىنشى دەڭگەيلى بانكتەر قۇنى 53 ميلليون تەڭگە بولاتىن 4 جوبانى قارجىلاندىردى.

سونىمەن قاتارى شاعىن جانە ورتا بيزنەستى وڭىرلىك قارجىلاندىرۋ باعدارلاماسى ارقىلى 1 جوباعا 5 ميلليون تەڭگە نەسيە بەرىلدى.

مۇنان بولەك «كازميكروفينانس» قارجى ۇيىمى ارقىلى 2 425 جوباعا 1 ميلليارد 35 ميلليون تەڭگەگە قاراستىرىلسا، «تاراز» ميكرو قارجى ۇيىمى ارقىلى 2 جوباعا 9 ميلليون تەڭگەگە بىرنەشە نەسيە بەرىلگەن.