وبلىستا جىل باسىنان بەرگى 9 ايدا نەگىزگى كاپيتالعا سالىنعان ينۆەستيسيا كولەمى 205 ميلليارد 900 ميلليون تەڭگەنى قۇراپ، وتكەن جىلدىڭ ەسەپتى كەزەڭىمەن سالىستىرعاندا ايماققا تارتىلعان ينۆەستيسيا كولەمى 17،3 پايىزعا ارتقان، دەپ جازادى Qamshy.kz اقپارات اگەنتتىگى. 

سوڭعى جىلدارى اگرارلى ءارى يندۋستريالىق ايماق اتانۋعا كوپتەپ كوڭىل اۋدارعان اۋليەاتا وڭىرىندە وندىرىسكە ينۆەستيسيا تارتۋ ىسىنە مىقتاپ قولعا الىنعان. سونىڭ ەسەبىنەن جىل باسىنان بەرى جامبىلدىق كاسىپورىندارمەن 349 ميلليارد 900 ميلليون تەڭگەنىڭ ءونىمىن وندىرىلگەن. ءونىمنىڭ بۇل كولەمى 2018 جىلدىڭ ەسەپتى كەزەڭىندەگى جاعدايمەن سالىستىرعاندا 5،7 پايىزعا ارتا تۇسكەنىن اڭعارتادى.

– ونىڭ ىشىندە كەن ءوندىرۋ ونەركاسىبى بويىنشا 39،8 ميلليون تەڭگە ءونىم ءوندىرىلىپ، بىلتىرعى جىلداعىدان 2،8 پايىز وسكەن. وڭدەۋ ونەركاسىبى بويىنشا 262،7 ميلليارد تەڭگەگە ءونىم ءوندىرىلىپ، بىلتىرعى وسى ەسەپتى كەزەڭنىڭ كولەمىنەن 7 پايىزعا ارتىق، — دەدى بريفينگتە ج.سارييەۆ.

ەكى ايدان كەيىن ۇدەمەلى يندۋستريالىق يننوۆاسيالىق دامۋ مەملەكەتتىك باعدارلاماسىنىڭ ەكىنشى بەسجىلدىعى ءوز مارەسىنە جەتپەك. بۇل باعدارلاما اياسىندا دا ايماق ەكونوميكاسىنا، اسىرەسە، يندۋستريالاندىرۋعا كوپ قارجى سالىندى. 2015-2019 جىلدارعا ارنالعان وسى اتالعان مەملەكەتتىك باعدارلاما بويىنشا وبلىستاعى كاسىپكەرلىكتى قولداۋ كارتاسىنا جالپى قۇنى 603،5 ميلليارد تەڭگەنى قۇرايتىن 50 ينۆەستيسيالىق جوبا ەنگىزىلگەن. كارتاعا ەنگەن بۇل جوبالاردىڭ بارلىعى دەرلىك ىسكە اسقان كۇندە وڭىردە 6758 ادام جۇمىسپەن قامتىلۋ جوسپارلانعان ەكەن. وسى جوبالاردىڭ ىشىنەن ازىرگە 55،5 ميلليارد تەڭگەنى قۇرايتىن 33 جوبا ىسكە اسىرىلۋدا. ولار بويىنشا 2230 جۇمىس ورنى اشىلماق.

سونداي-اق، باسقارما باسشىسىنىڭ ايتۋىنشا، بيىلعى توعىز ايدا وبلىستا جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ قاتارىنا 7688 سۋبەكت قوسىلىپ، جالپى سانى 70534-كە جەتىپتى.

كاسىپكەرلىك قولداۋ بولعان ورتادا عانا كەڭ قانات جاياتىنىن ەسكەرسەك وڭىردەگى بيزنەس سەكتوردى دامىتۋدا مەملەكەتتىك باعدارلامالاردىڭ مۇمكىندىگى مولىنان پايدالانىپ جاتىر. اسىرەسە جامبىلدىق كاسىپكەرلەر تۇڭعىش-پرەزيدەنت–ەلباسىنىڭ باستاماسىمەن 2025 جىلعا دەيىن جالعاسقان «بيزنەستىڭ جول كارتاسى» مەملەكەتتىك باعدارلاماسىنىڭ شاراپاتىن ايقىن سەزىنىپ جاتىر. ودان بولەك نەسيەنىڭ پايىزدىق مولشەرلەمەسى سۋبسيديالاۋ، كەپىلزاتپەن كومەك كورسەتۋ شارالارى دا بيزنەس وكىلدەرى ءۇشن كاسىبىن ورگە دومالاتۋعا وڭتايلى جاعداي جاساپ وتىر.