مەملەكەتىمىزدە تۇرعىنداردى اۋىزسۋمەن قامتۋ باعىتىندا «اقبۇلاق» سىندى اۋقىمدى جوبالار ءبىراز جىلدان بەرى جاندانىپ كەلەدى. بۇل ەل ءۇشىن باستالعان يگى جوبا ەكەنى داۋسىز. ونىڭ شاراپاتىن جامبىلدىقتار دا ەسەلەپ كورۋدە، دەپ جازادى Qamshy.kz اقپارات اگەنتتىگى. 

اتاپ ايتساق، مويىنقۇم اۋدانىندا جالپى 24 ەلدى مەكەن بولسا، ونىڭ ىشىندە بۇگىنگى تاڭعا 14 ەلدى مەكەن نەمەسە 58،3 % ورتالىقتاندىرىلعان اۋىز سۋمەن قامتىلعان. 2019 جىلدىڭ سوڭىنا دەيىن قوسىمشا 3 ەلدى مەكەندە (بۋرىلبايتال، ميرنىي، قياقتى اۋىلدارى) ورتالىقتاندىرىلعان اۋىز سۋ جۇيەسى ىسكە قوسىلىپ قامتىلۋ كورسەتكىشى 70،8 % -عا جەتەتىن بولادى.

2019-2020 جىلى قىلىشباي اۋىلى اۋىز سۋ جۇيەسىنە ىسكە قوسىلاتىن بولادى. جانە 2020 جىلعا 2 ەلدى مەكەننىڭ (قارابوگەت، سارىوزەك اۋىلدارى) جوبالىق-سمەتالىق قۇجاتتارى مەملەكەتتىك ساراپتامادان ءوتىپ، قارجىلاندىرۋعا وبلىستىق ەنەرگەتيكا باسقارماسىنا ءوتىنىم بەرىلدى.

ەسەپتى جىلى اۋداننىڭ وتىن-ەنەرگەتيكا كەشەنى، تۇرعىن ۇي-كوممۋنالدىق جانە بيۋدجەتتىك نىساندارىن دايىنداۋعا 337،0 ملن. تەڭگەگە جۋىق قارجى ءبولىندى.

2019-2020 جىلدارداعى جىلىتۋ ماۋسىمىنا 46 ءبىلىم نىساندارى، 22 دەنساۋلىق ساقتاۋ جانە 42 الەۋمەتتىك - مادەني سالا نىساندارى دايارلانۋدا.

اۋدانداعى بيۋدجەتتىك مەكەمەلەر جىلىتۋ ماۋسىمىنا قاجەتتى 8862 توننا وتىن تولىعىمەن قويماعا ءتۇسىرىلدى. تۇرعىندارعا قاجەتتى 30،0 مىڭ توننا تاس كومىردىڭ 27،0 مىڭ تونناسى تۇرعىندارعا تاسىمالداندى.

بۇدان بولەك اۋداندا بىرلىك اۋىلدىق وكرۋگى اۋماعىندا 2 ءسىبىر جاراسى وشاعى، قىزىلتال اۋىلدىق وكرۋگى اۋماعىندا 2 ءسىبىر جاراسى وشاعى، مويىنقۇم اۋىلدىق وكرۋگى اۋماعىندا 3 ءسىبىر جاراسى وشاعى جانە ۇلانبەل اۋىلدىق وكرۋگى اۋماعىندا 3 ءسىبىر جاراسى وشاعى بارلىعى 10 ءسىبىر جاراسى وشاعى تىركەلگەن. ولاردىڭ بارلىعى انىقتالىپ، قازاقستان رەسپۋبليكاسى اۋىل شارۋاشىلىعى مينيسترلىگىنىڭ جەر كاداسترىنىڭ اۆتوماتتاندىرىلعان اقپاراتتىق جۇيەسىنە ەنگىزىلىپ، كاداسترلىك نومەرلەرى الىندى، جەر تەلىمدەرىنە مەملەكەتتىك اكتىلەر راسىمدەلدى. بارلىعى توپوگرافيالىق كارتاعا ءتۇسىرىلىپ، سانيتاريلىق-ەپيديميولوگيالىق تالاپتارعا ساي قورشالىپ، استى بەتوندالىپ، ەسكەرتپە جازۋلار جازىلعان.

اۋداندا مويىنقۇم، بىرلىك اۋىلىق وكرۋگتەرى اۋماعىندا 2 تيپتىك ۇلگىدەگى بيوتەرميالىق «بەككەري شۇڭقىرى» جۇمىس ىستەپ تۇر. ولاردىڭ سانيتارلىق جاعدايى جاقسى.

ءسىبىر جاراسى وشاقتارى مەن بيوتەرميالىق شۇڭقىرلاردى كۇتىپ ۇستاۋعا 2019 جىلى اۋداندىق بيۋدجەتتەن 1،5 ملن. تەڭگە ءبولىنىپ، يگەرىلدى.

2018 جىلى 1،5 تەنگە ءبولىنىپ يگەرىلگەن بولاتى.