اۋىل ەلىمىزدىڭ التىن قازىعى. سوندىقتان اۋىلداردىڭ اجارىن اشۋ باعىتىندا ەلىمىزدە جاندانىپ جاتقان جوبالار از ەمەس. بۇرناعى كەزى وڭىرلەردى دامىتۋ باستاماسىمەن باستاۋ العان جوبالار بۇگىندە «اۋىل – ەل بەسىگى» باعدارلاماسى اياسىندا جالعاسىن تابۋدا. بۇل باعىتتاعى جۇمىستار جامبىل جەرىندە جان جادىراتادى، دەپ جازادى Qamshy.kz اقپارات اگەنتتىگى. 

ماسەلەن شۋ اۋدانى "تولە بي سەلولىق وكرۋگى اكىمىنىڭ اپپاراتى" كمم بويىنشا 17 ميلليون 47،1 مىڭ تەڭگە «اۋىل-ەل بەسىگى» جوباسى شەڭبەرىندە اۋىلدىق ەلدى مەكەندەردەگى بەرىلەتىن ترانسفەرتتەردەن تولە بي اۋىلىنداعى 24 كوشەنىڭ جولىن جوندەۋدەن 16 ميلليون 765،7 مىڭ تەڭگە ءبولىنىپ وتىر. جانار جاعار ماي ساتىپ الۋدان 278،0 مىڭ تەڭگە مەملەكەتتىك ساتىپ الۋ پورتالىندا مەردىگەر كەلىسىم شارتقا قول قويۋ جۇمىستارى دا جۇرگىزىلۋدە.

"شوقپار سەلولىق وكرۋگى اكىمىنىڭ اپپاراتى" كمم بويىنشا 357،0 مىڭ تەڭگە ە-حالىق بايلانىس قىزمەتى بويىنشا مەردىگەر سچەت فاكتۋرا وتكىزىپ، وزگە دە قىزمەتتەردەن ورىندالعان جۇمىس اكتىسى بويىنشا 130،0 مىڭ تەڭگە يگەرىلۋدە.

"شۋ قالاسى اكىمىنىڭ اپپاراتى" كمم بويىنشا 1 ميللين 199،6 مىڭ تەڭگە جانار جاعار ماي ساتىپ الۋدان 245،0 مىڭ تەڭگە مەملەكەتتىك ساتىپ الۋ پورتالىندا مەردىگەر كەلىسىم شارتقا قول قويۋ جاعى قاراستىرىلىپ، اپپاراتتى ۇستاۋدان رب-تەن بولىنگەن مەملەكەتتىك قىزمەتكەرلەر مەن ازاماتتىق قىزمەتشىلەردىڭ جالاقىسىن كوتەرۋگە بەرىلەتىن ترانسفەرتتەردەن 954،0 مىڭ تەڭگە تولەمدەر بويىنشا جوسپار دۇرىس راسىمدەلۋدە.

ءبىر سوزبەن ايتقاندا باعدارى ايقىن باستامالار بار. جانە قارجى يگەرۋدە جىل سوڭىنا قاراي جۇمىستار پىسىقتالۋدا.

ارينە توعىز جولدىڭ تورابىندا ورنالاسقان شۋ ءوڭىرى ءۇشىن مۇنداي ولشەمدەر تىڭعىلىقتى تىرلىكپەن ولشەنەدى. اتالعان قارجىنىڭ ماقساتتى جۇمسالۋى اۋىلداردىڭ اجارىن اشىپ، تۇرعىنداردىڭ تۇرمىسىن تۇزەپ، اۋدان ەكونوميكاسىنا سەرپىن اكەلەرى انىق. وسىنى ءجىتى تۇسىنگەن جەرگىلىكتى بيلىك كۇن-تۇن دەمەي ايانباي ەڭبەك ەتۋدە. سونداي-اق اگرو سالانى الشاڭ باستىرۋ باعىتىندا دا باعدارىن ايقىنداعان تىرلىكتەر تولايىم. وعان ەلدى مەكەندەگى قوجالىقتار «قۇلان» سىندى باعدارلامالار ارقىلى ءتورت تۇلىكتىڭ باسىن ارتتىرىپ جاتقانى دالەل بولا الادى. دەمەك شىرايلى شۋ ءوڭىرىنىڭ شىرايى كىرىپ، كوركىنە كورىك قوسىلىپ، ەكونوميكاسى وركەندەۋى ۋاقىت ەنشىسىندەگى نارسە دەپ بىلگەنىمىز ابزال.