جۋالى اۋدانىنداعى 91678 اسكەري بولىمىندە ەلىمىزدىڭ تىنىشتىعىن قورعاۋ جولىندا 2017 جىلعى 17 اقپاندا جاۋىنگەرلىك وقۋ تاپسىرمالارىن ورىنداۋ كەزىندە ارنايى ماقساتتاعى تاۋلى ەگەرلىك روتاسىنىڭ جاۋىنگەرلەرى قار كوشكىنى استىندا قالىپ، قازا تاپقان بولاتىن. وتان الدىنداعى بورىشىن وتەۋ كەزىندە كوز جۇمعان جاۋىنگەرلەردى ەسكە الۋ ماقساتىندا اتالعان اسكەري بولىمدە كىشى فۋتبولدان تۋرنير ءوتتى.

اۋقىمدى شاراعا حالىق قاھارمانى، گەنەرال-لەيتەنانت باقىتجان ەرتايەۆ، قازاقستان رەسپۋبليكاسى قورعانىس مينيسترلىگىنىڭ كادر دەپارتامەنتىنىڭ باستىعى گەنەرال-مايور قايرات كوپبايەۆ، «وڭتۇستىك» وڭىرلىك اسكەرلەرى قولباسشىسىنىڭ ءبىرىنشى ورىنباسارى، شتاب باستىعى پولكوۆنيك اباي جولداسوۆ، اۋدان اكىمى نارباي ەرگەبەكوۆ، اۋدان اكىمدىگىنىڭ دەنە شىنىقتىرۋ جانە سپورت ءبولىمىنىڭ باسشىسى ماقسۇتبەك ارزىمبەتوۆ، اسكەري قىزمەتشىلەر مەن قازا بولعان جاۋىنگەرلەردىڭ اتا-انالارى، جۇبايلارى مەن ۇل-قىزدارى قاتىستى.

شارا اسكەري بولىمدەگى قازا تاپقان جاۋىنگەرلەرگە قويىلعان ەسكەرتكىشكە گۇلشوقتارىن قويۋ راسىمىمەن باستالدى. باقىتجان ەرتاي ۇلى، نارباي ءابىلقاسىم ۇلى، ءارى قاراي جاۋىنگەرلەردىڭ اتا-انالارى مەن وتباسى مۇشەلەرى گۇلشوقتارىن قويىپ، ءبىر مينۋت ۇنسىزدىكپەن ەسكە الدى.

وسى ارادا باقىتجان ەرتاي ۇلى قازا تاپقان جاۋىنگەرلەردىڭ رۋحىنا باعىشتاپ، قۇران وقىدى.

الا دوپ الامانىندا ءبىرىنشى بولىپ ق ر قورعانىس ءمينيسترىنىڭ كادر دەپارتامەنتىنىڭ كومانداسى مەن «وڭتۇستىك» وڭىرلىك اسكەرلەرى قولباسشىلىعى باسقارماسىنىڭ كومانداسى، ەكىنشى 03811 اسكەري ءبولىمىنىڭ كومانداسى مەن ق ر ءىىم جۋالى اۋداندىق پوليسيا ءبولىمىنىڭ كومانداسى، ءۇشىنشى 91678 اسكەري ءبولىمىنىڭ كومانداسى مەن ارنايى ماقساتتاعى تاۋلى ەگەرلىك روتاسىنىڭ كومانداسى وينادى.

تارتىستى تۋرنير ءوز مارەسىنە جەتىپ، ماراپاتتاۋ ءراسىمى باستالدى. الدىمەن، ارنايى نوميناسيا جەڭىمپازدارى ماراپاتتالدى. اتاپ ايتقاندا، «ۇزدىك شابۋىلداۋشى» اتالىمىن ق ر قورعانىس ءمينيسترىنىڭ كادر دەپارتامەنتىنىڭ كومانداسىنىڭ ويىنشىسى بولات وسپانبەكوۆ، «ۇزدىك قاقپاشى» اتالىمىن ءانۋار ءجۇنىسوۆ، «ۇزدىك ويىنشى» نوميناسياسىن تاۋلى ەگەرلىك روتاسىنىڭ كومانداسىنىڭ ويىنشىسى باۋىرجان سۇلتانبەكوۆ يەلەندى.

ال ويىننىڭ جۇلدەلى ورىندارىن، ياعني ءبىرىنشى ورىندى تاۋلى ەگەرلىك روتاسىنىڭ كومانداسى، ءىى ورىندى ق ر قم كادر دەپارتامەنتىنىڭ كومانداسى، ءىىى ورىندى 03811 اسكەري ءبولىمىنىڭ كومانداسى جەڭىپ الدى.