بۇل تۋرالى ابايتانۋشى عالىم ومار جالەل ۇلى «جەتىسۋ» تەلەارناسىنا بەرگەن سۇحباتتارىنىڭ بىرىندە ايتتى دەپ حابارلايدى «Qamshy.kz» اقپارات اگەنتىگى.   

اتالعان سۇحباتتا ول تاۋەلسىزدىكتى وزىنەن ءوزى بەرىلدى دەپ ويلاۋ ءبىزدىڭ ەڭ ۇلكەن قاتەلىگىمىز ەكەنىن اتاپ ءوتىپ، وسىدان كەلىپ ۇلتتىق ەنجارلىق، ۇلتتىق اپاتيا – «سەن تيمەسەڭ، مەن تيمە، بادىراق كوز» دەگەن نەمقۇرايلىلىق شىعاتىنىن جەتكىزدى.

– ءقازىر بىزدە شىرشالار ءىلىپ باستادى، بۇل قۇلدىق سانانىڭ بەلگىسى. تاۋەلسىزدىكتەن ءبىز يسا پايعامباردىڭ تۋعان كۇنىن جوعارى قويىپ وتىرمىز. تاۋەلسىزدىك دەگەن ءبىزدىڭ ۇلتتىڭ ساناسىندا. حالىق ونى قالايدى. ءبىراق ءبىزدىڭ وتارسىزدانباعان مەملەكەتىمىز، بيلىگىمىزدىڭ سوعان ميى جەتپەي وتىر، – دەيدى ومار جالەل ۇلى.

سونىمەن بىرگە، سۇحبات بەرۋشى وتارلىقتىڭ ۋى ەتىندە ەمەس سۇيەگىندە، سۇيەگىندە ەمەس جادىندا جاتقان قازاقستاننىڭ الىگە ونىڭ سالدارىمەن كۇرەسىپ كەلە جاتقانىن ايتادى. ال ونىڭ ءتۇپ تامىرى – سەبەبى تۋرالى تالداۋ جاساپ، سول نەگىزدە جۇيەلى جۇمىس ىستەپ جاتقان ۇكىمەت جوق ەكەنى سىزگە دە بەلگىلى بولسا كەرەك.

 ايتپاقشى، عالىم اتالعان سۇحباتىندا "16 جەلتوقسان  –  جەلتوقسان كوتەرىلىسىندە قۇربان بولعان بوزداقتاردى ەسكە الۋ كۇنى بولۋ كەرەك"  دەپ اتاپ وتكەن.