اعىمداعى جىل اۋليەاتا ءوڭىرىنىڭ الەۋمەتتىك-ەكونوميكالىق جانە قوعامدىق-ساياسي وركەندەۋ جولىندا تاعى دا ءبىر قارىشتى قادامدار جاسالعان جىل بولدى. بۇل تۋرالى بۇگىن ق ر تاۋەلسىزدىك كۇنى مەرەكەسىنە وراي وتكەن سالتاناتتى شارادا جامبىل وبلىسىنىڭ اكىمى اسقار مىرزاحمەتوۆ باسا ايتتى.

تاۋەلسىزدىكتىڭ 28 جىلعى تاريحىندا ەلىمىزبەن بىرگە جامبىل ءوڭىرى دە ءوسىپ، وركەندەۋ مەن جاڭعىرىپ، جاڭارۋدى باستان كەشتى. ايماق باسشىسى سالتاناتتى شارادا بايانداما جاساپ، تاۋەلسىزدىك تاعىلىمىنا توقتالىپ، باعاسىن باعالاي ءبىلۋدىڭ ماڭىزدىلىعىن جەتكىزدى. سونداي-اق، ايماقتا اتقارىلعان اۋقىمدى جۇمىستار بارىسىن تىلگە تيەك ەتتى.

شارا بارىسىندا ق ر پرەزيدەنتىنىڭ جارلىعىنا سايكەس مەملەكەتتىك جانە قوعامدىق قىزمەتتە cىڭىرگەن ەڭبەگى، ەلدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن ناگرادتالعان ءبىرقاتار ازاماتتارعا ماراپاتتارى تابىستالدى. اتاپ ايتساق، «قۇرمەت» وردەنىنە يە بولعاندار قاتارىندا جازۋشى، «جامبىل» جۋرنالىنىڭ باس رەداكتورى نەسىپبەك داۋتايەۆ، «قازفوسفات» جاۋاپكەرشىلىگى شەكتەۋلى سەرىكتەستىگى جامبىل فيليالىنىڭ باس ينجەنەرىنىڭ ورىنباسارى الەكساندر مالىش، اقىن، ەڭبەك ارداگەرى شىرىن ماماسەرىكوۆا، وبلىس اكىمىنىڭ اپپاراتىنىڭ باسشىسى رۇستەم داۋلەت، «تارازەنەرگوورتالىق» اكسيونەرلىك قوعامىنىڭ باسقارما ءتوراعاسى باقبەرگەن ماۋلەنوۆ، مويىنقۇم اۋدانىنىڭ اكىمى مادەن مۇسايەۆ، «مەيىرىم» مەديسينالىق ورتالىعىنىڭ ديرەكتورى گۇلدارا نۇرىموۆا، وبلىسى اكىمدىگىنىڭ ەنەرگەتيكا، تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى نۇرلان الدامجاروۆ، وبلىسى اكىمدىگىنىڭ مادەنيەت، ارحيۆتەر جانە قۇجاتتاما باسقارماسى باسشىسىنىڭ ورىنباسارى سارا مادييەۆا بار. ال، «قازفوسفات» جاۋاپكەرشىلىگى شەكتەۋلى سەرىكتەستىگىنىڭ «مينەرالدى تىڭايتقىشتار» زاۋىتىنىڭ №01 سەحىنىڭ سلەسار-جوندەۋشىسى جەكسەن اكىجانوۆ پەن «جامبىل ەلەكتر جۇيەسى» جاۋاپكەرشىلىگى شەكتەۋلى سەرىكتەستىگى فيليالىنىڭ كراسنوگور تاراتۋ ەلەكتر جۇيەسى ەلەكتوسلەسارى ەدۋارد شتارك III دارەجەلى «ەڭبەك داڭقى» وردەنىمەن ماراپاتتالدى. بۇل ناگرادانى نۇر-سۇلتان قالاسىندا مەملەكەت باسشىسىنىڭ ءوز قولىنان العاندار اراسىندا تاراز قالاسىنىڭ تۇرعىنى «قازاقستان تەمىر جولى-جۇك تاسىمالداۋ» اكسيونەرلىك قوعامىنىڭ «جامبىل جۇك تاسىمالداۋ بولىمشەسى» جامبىل پايدالانۋ لوكوموتيۆ دەپوسى ۆاگون قاراۋشى-جوندەۋشىسى حومۋتەنكو نيكولاي دا بار ەكەنىن ايتىپ ءوتۋ كەرەك. سونداي-اق، تاراز قالاسىنىڭ تۇرعىنى «اينۇرى» تاتار-باشقۇرت مادەني ورتالىعى» قوعامدىق

بىرلەستىگىنىڭ ءتوراعاسى امير حاليكوۆ ءىى دارەجەلى «دوستىق» وردەنىمەن، كەنەن ازىربايەۆ اتىنداعى جامبىل وبلىستىق فيلارمونياسىنىڭ ءارتىسى باقىت شاعىربايەۆ «قازاقستاننىڭ ەڭبەك سىڭىرگەن قايراتكەرى» اتاعىمەن ماراپاتتالعان.

جيىندا وزگە دە ءبىرقاتار ازاماتتارعا «ەرەن ەڭبەگى ءۇشىن»، «شاپاعات» مەدالدارى، قر-نىڭ «قۇرمەت» گراموتالارى، ق ر پرەزيدەنتىنىڭ العىس حاتى جانە «بارىس» توسبەلگىسى تابىستالدى. شارا سوڭى جەرگىلىكتى ونەرپازداردىڭ كونۋەرتتىك باعدارلاماسىنا ۇلاستى.