جامبىل وبلىسى اكىمدىگىنىڭ مادەنيەت، ارحيۆتەر جانە قۇجاتتاما باسقارماسى وبلىستىق حالىق شىعارماشىلىعى ورتالىعىنىڭ ۇيىمداستىرۋىمەن تاراز قالاسىندا «اۋىلدىق كلۋب-2019» وبلىستىق سەمينار-ترەنينگى ءوتتى.

سەمينار- ترەنينگتىڭ ماقساتى اۋىلدىق كلۋب قىزمەتكەرلەرىنىڭ كاسىبي دەڭگەيىن جەتىلدىرۋ، بىلىكتىلىگىن جوعارىلاتۋ جانە مادەني-دەمالىس ۇيىمدارىنىڭ وزىق تاجىريبەسىنىڭ جاڭا باعىتتارىن يگەرۋ، ناسيحاتتاۋ بولىپ تابىلادى. ءىس-شاراعا وبلىس بويىنشا اۋداندىق مادەنيەت ۇيلەرىنىڭ ديرەكتورلارى، اۋىلدىق كلۋب مەڭگەرۋشىلەرى مەن وبلىستىق حالىق شىعارماشىلىعى ورتالىعىنىڭ ماماندارى بارلىعى 180 ادام قاتىستى

شارانى وبلىستىق مادەنيەت، ارحيۆتەر جانە قۇجاتتاما باسقارماسىنىڭ باسشىسىنىڭ ورىنباسارى س. مادييەۆا اشىپ قاتىسۋشىلارعا ساتتىلىك تىلەدى.

وبلىستىق حالىق شىعارماشىلىعى ورتالىعىنىڭ ديرەكتورى ع.سادىربايەۆ- مودەراتور رەتىندە سەمينار-ترەنينگتىڭ باعدارلاماسى مەن ماقساتىنا توقتالدى.

ورتالىقتىڭ جەتەكشى ماماندارى سالاعا قاتىستى تاقىرىپتار بويىنشا بايانداما جاساپ، قويىلعان سۇراقتارعا جاۋاپ بەردى. ديرەكتور ورىنباسارى ج.تۇرلىعۇلوۆا «اۋىلدىق كلۋبتاردىڭ حالىققا قىزمەت كورسەتۋ دەڭگەيىن ارتتىرۋ»، باس رەداكتورى ت.ابدىكارىموۆا «اۋىلدىق كلۋبتىڭ قوعامداعى ءرولى»، ءبولىم باسشىسى ا.ۇسەنبايەۆا «مادەني-دەمالىس ءىس-شارالارى مەن كلۋب قۇرىلىمدارى»، كوركەمدىك جەتەكشى ن.ابدۋللايەۆ «اۋىلدىق كلۋبتار مەن مادەنيەت ۇيلەرىندە مەملەكەتتىك جانە قوعامدىق ءىس-شارالاردى ۇيىمداستىرۋدىڭ جاڭا الگوريتمى»، ءبولىم باسشىسىنىڭ م.ا س.قويشىمانوۆ «رۋحاني سۇرانىس پەن مەسەناتتاردى بايلانىستىرۋ-كلۋب قىزمەتكەرىنىڭ ءبىر مىندەتى»، اقپاراتتىق ورتالىق ءبولىمىنىڭ باسشىسى ە.اعابەك «اۋىلدىق كلۋب جانە سيفرلاندىرىلعان ورتالىق» تاقىرىپتارىن سلايد ارقىلى تىنداۋشىلارعا جەتكىزدى.

باعدارلاماعا سايكەس وتكەن ترەنينگتە «Format E» مادەني دامۋ وقۋ ادىستەمەلىك ورتالىعىنىڭ ديرەكتورى ەرلان اۋەسبايەۆ كلۋب قىزمەتكەرلەردىڭ قاتىسۋىمەن جۇمىس جۇرگىزدى. ماماندار تاراپىنان بەلسەندىلىك پەن قىزىعۋشىلىقتارى ارتقانى بايقالدى.

ءىس-شارا سوڭىندا ۇيىمداستىرۋشىلار تاراپىنان جىل بويى الەۋمەتتىك جەلىدە بەلسەندىلىك تانىتىپ، ءىس-شارانى ناسيحاتتاعانى ءۇشىن جانە اۋىلدىق كلۋب قىزمەتىن دامىتۋىنا قوماقتى ۇلەس قوسىپ جۇرگەن ماماندارعا العىس حات پەن بارلىق قاتىسۋشىلارعا سەرتيفيكات تابىستالدى.