بۇل تۋرالى قاسىم-جومارت توقايەۆ پرەزيدەنت اكىمشىلىگى باسشىلىعىمەن 2020 جىلعى جۇمىستاردىڭ باسىم باعىتتارى جونىندە جيىن بارىسىندا ايتتى، دەپ جازادى Qamshy.kz اقپارات اگەنتتىگى اقوردا سايتىنا سىلتەمە جاساپ.
جيىندا ەلىمىزدىڭ الەۋمەتتىك-ەكونوميكالىق، قوعامدىق-ساياسي دامۋى مەن سىرتقى ساياسات جونىندەگى ماسەلەلەرى تالقىلاندى. 2020 جىلعا جوسپارلانعان نەگىزگى ءىس-شارالار تىزبەسى قارالدى.
ابايدىڭ 175 جىلدىعى مەن ءال-فارابيدىڭ 1150 جىلدىعىن اتاپ ءوتۋدى ۇيىمداستىرۋ شارالارى دا پىسىقتالدى.
اباي ەلى - سەمەيدە مەرەيتويعا جان-جاقتى دايىندىق ءجۇرىپ جاتىر. شاھاردى اباتتاندىرىپ، كوشەلەردى كوركەيتۋ جۇمىستارىنا باسقا دا وڭىرلەر ۇلەس قوسۋعا تىلەك بىلدىرگەن. ازىرگە جالپى قۇنى 9،5 ميلليارد تەڭگە بولاتىن بىرنەشە جوبا ماقۇلدانعان.
ماسەلەن، الماتى قالاسى مەن تۇركىستان وبلىسى جاڭا مەشىت ماڭايىن اباتتاندىرۋعا كۇش سالماق.
ال الماتى وبلىسى اۋەزوۆ داڭعىلىنىڭ بويىنان جاياۋ جۇرگىنشىلەر ءۇشىن «اباي جولى» دەپ اتالاتىن جوبانى جۇزەگە اسىرادى.
باتىس قازاقستان وبلىسى اۋەزوۆ الاڭىن قايتا جاڭعىرتادى. بۇل جۇمىستارعا مەملەكەت قازىناسىنان بولەك كاسىپكەرلەر قارجىسى دا تارتىلادى دەپ كوزدەلگەن.
پىكىر قالدىرۋ