13 قاڭتار كۇنى فيليپپيندەگى مانيلا قالاسىنىڭ وڭتۇستىگىنەن 70 شاقىرىم قاشىقتىقتا ورنالاسقان تاال جانارتاۋى اتقىلادى، دەپ جازادى Qamshy.kz اقپارات اگەنتتىگى bbc-گە سىلتەمە جاساپ.
ءفيليپپينننىڭ ۆۋلكانولوگيا جانە سەيسمولوگيا ينسيتۋتىنىڭ (فيۆولك) مالىمدەۋىنشە، تاال جانارتاۋىنداعى جەر استى تولقۋلارى كۇركىرەگەن بۇلت پەن نايزاعاي ارالاسقان ماگمالىق اتقىلاۋعا ۇلاسقان.
ايماقتان 8000 تۇرعىن جاپپاي ەۆاكۋاسيالاندى.
ارالدىڭ ءدال ورتاسىندا ورنالاسقان تاال جانارتاۋى الەمدەگى ەڭ كىشكەنتاي بەلسەندى جانارتاۋ دەگەن اتاققا يە. ول سوڭعى 450 جىلدا 34 مارتە اتقىلاعان.
ءقازىر فيۆولك ينستيتۋتى دابىلدى 3-تەن 4 باللعا كوتەردى.
بيلىك وكىلدەرى الداعى كۇندەردە جانارتاۋدىڭ زور قارقىنمەن اتقىلاۋ ىقتيمالدىعىن جانە اتقىلاۋدان تۇسكەن قالدىقتاردىڭ تولقىنمەن ارالاسىپ "جانارتاۋ ءسۋناميىنىڭ" پايدا بولۋ مۇمكىندىگىن ەسكەرتتى.
پىكىر قالدىرۋ