قازاقستاننىڭ ۇلتتىق ەكونوميكا ميينسترلىگىنە قاراستى ستاتيستيكا كوميتەتى 2019 جىلعى قازاقستانداعى ەڭ تانىمال ەسىمدەردى جاريالادى.

كوميتەتتىڭ مالىمەتىنشە، 2019 جىلى سابيلەرگە ءاليحان مەن رايانا ەسىمدەرى ءجيى قويىلعان.

ۇلدار اراسىندا ءاليحان ەسىمى 3 816 بالاعا بەرىلگەن. ودان بولەك، ايسۇلتان (3033) جانە نۇريسلام (2304) ەسىمدەرى سوڭعى 4 جىلدان بەرى ەڭ تانىمال ەسىمدەر قاتارىنان تۇسپەي كەلەدى. ءامىر (2227)، ءالينۇر (2130)، رامازان (1999)، ءالي (1915)، يسلام (1634)، الديار (1601)، سانجار (1588) ەسىمدەرى دە وتكەن جىلى ءجيى قويىلعان.

قىزدار اراسىندا رايانا (5 151)، مەدينا (4 924) جانە ايزەرە (3 908) ەسىمدەرى كوش باستاپ تۇر. سونىمەن بىرگە، ايشا (3 823)، ايالا (3 607)، اسىلىم (3 285)، ايارۋ (3 014)، ءامينا (2 915) جانە كاۋسار (2 309) ەسىمدەرى دە كوپتەپ قويىلعان.