ءابۋ-دابيدىڭ مۇراگەر حانزاداسى شەيح مۇحاممەد بەن زايد ءال ناحايانمەن كەزدەسۋ بارىسىندا ق ر پرەزيدەنتى قاسىم-جومارت توقايەۆ وسىلاي دەدى.
بۇل تۋرالى Qamshy.kz اقپارات اگەنتتىگى قازاقپارات دەرەگىن نەگىز ەتە وتىرىپ حابارلايدى.
«بۇل مەنىڭ اراب الەمىنە پرەزيدەنت رەتىندە جاساعان العاشقى ساپارىم. ياعني، بۇل دەگەنىڭىز قازاقستان ءسىزدىڭ مەملەكەتىڭىزبەن ىنتىماقتاستىققا باسا ماڭىز بەرەتىنىن ايعاقتايدى»، – دەدى قاسىم-جومارت توقايەۆ.
سونىمەن قاتار، مەملەكەت باسشىسى ەكى ەل اراسىنداعى تابىستى ىنتىماقتاستىقتى ارقاسىندا ۇلكەن ناتيجەگە قول جەتكىزگەنىن، قوس تاراپ ارا شىنايى دوستىق، سەنىم مەن ءوزارا تۇسىنىستىك بار ەكەنىن دەپ اتاپ وتكەن.
"سول سەبەپتى، ءبىزدىڭ قارىم-قاتىناسىمىزدىڭ كەلەشەگى زور دەگەن ويدامىن. مەنىڭ بۇل ساپارىمنىڭ باستى ماقساتى – ءبىزدىڭ مەملەكەتتەر اراسىنداعى ىنتىماقتاستىققا جاڭا سەرپىن بەرۋ. ۋاقىت ءبىر ورىندا تۇرعان جوق. سول ءۇشىن قوسىمشا جىگەر مەن ارەكەت كەرەك. سول سەبەپتى، مەن بۇل ساپار ەرەكشە ماڭىزعا يە دەپ بىلەمىن»، - دەدى قازاقستان پرەزيدەنتى.
ەسكە سالا كەتسەك، مەملەكەت باسشىسى قاسىم-جومارت توقايەۆ بىرىككەن اراب امىرلىكتەرىنە رەسمي ساپارمەن باردى.
پىكىر قالدىرۋ