قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستان بيلىگى نەگە ءبىزدىڭ وتانداستارىمىزدى ۋحاننان شىعارىپ المايتىنىن ءتۇسىندىردى دەپ جازادى Qamshy.kz اقپارات اگەنتتىگى.
فەيسبۋكتەگى پاراقشاسىندا سمادياروۆ بۇقارالىق اقپارات قۇرالدارىنا تاراپ كەتكەن راستالماعان اقپاراتقا قاتىستى تانىمال قازاقستاندىق باسىلىمداردىڭ ءبىرىنىڭ باس ديرەكتورىمەن سويلەسكەنى تۋرالى ايتتى. بۇعان دەيىن باق-تا كەيبىر ەلدەر ءوز ازاماتتارىن ەۆاكۋاسيالاي باستادى دەگەن اقپارات تاراعان بولاتىن.
ءسىم وكىلىنىڭ ايتۋىنشا، جۇڭگو ۋحاندا كارانتين جاريالاعان. بىردە-بىر ەلدىڭ ازاماتتارىن شىعارۋعا رۇقسات ەتپەگەن. ول قازاقستاندىق ديپلوماتتار وتانداستارىمىزدى سىرتقا شىعارۋدىڭ مۇمكىن جولدارىن ويلاستىرعانىن ايتادى. ولار جۇڭگو تاراپىنا ءتيىستى سۇرانىستار جىبەردى. باسقا ەلدەردىڭ ديپلوماتيالىق ميسسيالارى ءدال وسىلاي جاسادى. دەگەنمەن جۇڭگو بيلىگى ەشبىر مەملەكەتكە ءوز ازاماتتارىن الىپ كەتۋگە مۇمكىندىك بەرمەدى.
پىكىر قالدىرۋ