ءورتتىڭ شىعۋىنا سىمداردىڭ قىسقا تۇيىقتالۋى سەبەپ بولعان. جۇك كولىگىنىڭ جۇرگىزۋشىسى زارداپ شەككەن جوق، دەپ حابارلايدى Qamshy.kz اقپارات اگەنتتىگى Sputnik قازاقستان دەرەگىن نەگىزگە الىپ.
الەۋمەتتىك جەلى قولدانۋشىلارى كولىك بوراندى كۇندەردەگى ۇلكەن جۇكتەمەگە شىداس بەرمەگەن بولۋى مۇمكىن دەپ توپشىلاۋدا.
اقمولا وبلىسى ىشكى ىستەر دەپارتامەنتى باسپا ءسوز قىزمەتىنىڭ حابارلاۋىنشا، وقيعا 28 قاڭتار كۇنى تۇسكى ۋاقىتتا اقمولا وبلىسى شورتاندى اۋدانىندا نۇر-سۇلتان – پەتروپاۆل تاس جولىنان 44 شاقىرىم جەردەگى بوزايعىر اۋىلىنىڭ ماڭىندا بولعان.
سۋپرا ماركالى كولىكتىڭ «كازاۆتوجول» ۇلتتىق كومپانياسىنا تيەسىلى ەكەندىگى انىقتالدى.
پوليسيا قىزمەتكەرلەرى جۇرگىزگەن تەكسەرۋ قورىتىندىسى بويىنشا كولىكتىڭ ورتەنۋىنە سىمداردىڭ قىسقا تۇيىقتالۋى سەبەپ بولعان. ورتتەن كولىكتىڭ كابيناسى مەن قوزعالتقىشىنا زاقىم كەلگەن.
39 جاستاعى كولىك جۇرگىزۋشى ءدىن-امان.
اياۋلىم شوپان
پىكىر قالدىرۋ