حالىق اراسىندا تەز تارالعان كوساريەۆتىڭ ۇيىقتاپ وتىران ۆيدەوسى قىزۋ تالقىعا ءتۇستى. ءبىراق بۇل ۆيدەوعا قاتىستى دەپۋتاتتار وزدەرىنىڭ پىكىرىن ءبىلدىردى. بۇل تۋرالى Tengrinews ءتىلشىسى حابارلادى.

ەسكە سالا كەتەيىك، الەۋمەتتىك جەلىدە تاراعان ۆيدەودا دەپۋتتاتىڭ سۇراق قويىپ جاتقاندىعىن كورۋىمىزگە بولادى. ياعني، ونىڭ قاسىندا وتىرعان ءماجىلىس دەپۋتاتى ۆلاديسلاۆ كوساريەۆ كوزىن جۇمىپ وتىرعانى ۆيدەوعا ءتۇسىپ قالعان. مۇنى بايقاعان، جەلى قولدانۋشىلارى نەگاتيۆتى پىكىرلەرىن ءبىلدىرىپ، قىزۋ تالقىلاۋ ۇستىندە.وسى ورايدا بۇل ماسەلەگە قاتىستى دەپۋتاتتار بىلاي دەپ پىكىر ءبىلدىردى.

"ۆيدەونى كوردىم. وندا دەپۋتات ۇيىقتاپ وتىرعان جوق. ول كىسىنىڭ وتىرىسى سونداي، 82 جاستاعى ازامات قوي، ءارى كوممۋنيستىك پارتيا اتىنان سايلاعان ءماجىلىس دەپۋتاتى. "ءبىر دەپۋتات ۇيىقتاپ وتىر" دەپ بارلىعىنا كۇيە جاعۋعا بولمايدى. ءار ادام ءوز ارەكەتىنە جاۋاپ بەرۋى كەرەك"، - دەيدى سەنات دەپۋتاتى مۇرات باقتيار ۇلى. 

ال ءماجىلىس دەپۋتاتى باقىتگۇل حامەنوۆا ارىپتەستەرىنىڭ ارەكەتىنە قاتىستى پىكىر بىلدىرە المايتىنىن جەتكىزدى. "ۆيدەودا ارىپتەسىمىز ەموسيونالدى تۇردە سويلەپ جاتىر. ونىڭ جانىنداعى ادامنىڭ ۇيىقتاپ جاتپاعانى ىقتيمال"، - دەدى.

ءماجىلىس دەپۋتاتى نۇرلان ءالىمجان ۆيدەونى كورگەنىن، ءبىراق ماسەلىنىڭ ءمان-جايىن بىلمەيتىن ايتتى.

"وندا ادام ۇيىقتاپ وتىرعان سياقتى. ءبىراق انىعىن بىلمەدىم. بىرەۋدىڭ ارتىنان سىن ايتا المايمىن"، - دەپ جاۋاپ قايىردى. 

"سونداي-اق، ازات پەرۋاشيەۆ: ۆيدەونى كورگەن جوقپىن. ءقازىر ارىس قالاسىنا جۇمىس ساپارىمەن كەلدىم. وندا "اق جول" پارتياسىنىڭ ءتوراعاسىن سايلاعالى جاتىرمىز. سوندىقتان بۇل ماسەلەگە قاتىستى پىكىر بىلدىرە المايمىن"، -دەدى.