دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتوراعاسىنىڭ ورىنباسارى جانداربەك بەكشين قازاقستاندا كوروناۆيرۋس جۇقتىردى دەگەن كۇدىكپەن 46 ادام اۋرۋحانادا جاتقاندىعىن مالىمدەدى. 

"مۇندا ماسەلە 6 قاڭتاردان باستاپ قىتايدان كەلگەن ادامدار تۋرالى. قازىرگى تاڭدا، وقشاۋلانعان بوكستاردا 89 ادام جاتىر، ولاردىڭ قىزۋى بار جانە جرۆي-عا شاعىمدانعان، ستاسيونارلاردا 46 ادام قالىپ وتىر، 43 ادام شىعارىلدى. ءبىز بارلىعىنان سىناما الىپ، الماتىداعى ورتالىققا جىبەرەمىز"، - دەپ حابارلادى بەكشين.

كوميتەت ءتوراعاسىنىڭ ايتۋىنشا، قاڭتاردىڭ 30 كۇنى كوروناۆيرۋس جۇقتىردى دەگەن كۇدىكپەن  38 ادام اۋرۋحاناعا جاتقىزىلعان. ال، 31 قاڭتاردا بۇل كورسەتكىش 41-گە جەتكەن. 

ىندەتتىڭ تەز تارالۋىنا بايلانىستى قازاقستان شەكاراداعى جانە اۋەجايداعى باقىلاۋدى كۇشەيتكەن.