الماتى وبلىسى قاراساي اۋدانىندا تانىمال ەرىكتى زارينا شۋمايەۆانىڭ ءۇيى ورتەندى، دەپ حابارلايدى Qamshy.kz اقپارات اگەنتتىگى. 

ءورت سوندىرۋشىلەر قىزىل جالىندى دەر كەزىندە اۋىزدىقتاعان. ناتيجەسىندە زارداپ شەككەندەر جوق. قاراساي اۋدانىنىڭ اكىمدىگى الاپات ورتتەن باسپاناسى جانىپ كەتكەن وتباسىنى تۇرعىن ۇيمەن قامتاماسىز ەتۋ ءۇشىن شۇعىل شارالار قابىلداعان.

– كەشە ولارعا قوناقۇيدە تۇرۋدى ۇسىندىق، ولار باس تارتىپ كورشىلەرىنىڭ ۇيىندە قالدى. بۇگىندە مەسەناتتاردىڭ قولداۋىمەن ءبىز ولاردىڭ بالا سانىن ەسكەرە وتىرىپ، ۋاقىتشا باسپانامەن قامتاماسىز ەتۋدەمىز. ءۇي كەم دەگەندە 150-180 شارشى مەتردى قۇرايتىن بولادى، – دەدى قاراساي اۋدانىنىڭ اكىمى جانداربەك دالابايەۆ.

وسى رەتتە اۋدان اكىمى مۇنىڭ ۋاقىتشا شەشىم ەكەنىن، ولاردىڭ جاعدايىن ەسكەرە وتىرىپ تۇراقتى باسپانامەن قامتاماسىز ەتۋ ءۇشىن جۇمىس ىستەلىپ جاتقاندارىن جەتكىزدى.

ال اۋدانداعى مەسەناتتار بولسا، ءتىلسىز جاۋدان زارداپ شەككەن وتباسى ءۇشىن ۇلكەن ءۇي ساتىپ الۋعا دايىن ەكەندەرىن ايتقان. 

اتاپ وتەرلىگى، زارينا شۋمايەۆا ايماقتا ءوزىنىڭ ازاماتتىق بەلسەندىلىگىمەن تانىلعان. ياعني، جولداسى ەكەۋى 22 بالا تاربيەلەپ وتىر.