جامبىل وبلىسىنىڭ ەكس-اكىمى اسقار مىرزاحمەتوۆ ءوڭىردى دامىتۋ جولىندا بىرىگىپ جۇمىس جاساعان بارلىق ارىپتەستەرىنە العىس ايتىپ، الداى باستامالارىنا سەنىم ءبىلدىردى. بۇل تۋرالى وبلىس اكىمىنىڭ كەڭەسشىسى جاسۇلان ءابدىحالىق فەيسبۋك-پاراقشاسىندا جاريالادى.  

"وكىنىشكە وراي قورداي اۋدانىندا قايعىلى جاعداي ورىن الدى، 10 ازامات قازا بولىپ، 170-تەن استام ادام جاراقاتتاندى. بۇل تەك جامبىلدىقتارعا عانا ەمەس، بارشا قازاقستاندىققا وڭاي تيمەدى. وسى تۇرعىدا مەن وبلىس اكىمى رەتىندە جۇمىستى جالعاستىرۋ مورالدىك تۇرعىدا اۋىر دەپ ەسەپتەدىم. سوندىقتان پرەزيدەنتكە ءوز ەركىممەن وتستاۆكاعا كەتۋ تۋرالى ءوتىنىش جازدىم. شەشىمىمدى قابىلداعان مەملەكەت باسشىسىنا راحمەت"، – دەدى مىرزاحمەتوۆ. 

جامبىل وبلىسىنىڭ قازىرگى اكىمى بەردىبەك ساپاربايەۆ وزىنە سەنىم ارتقان ەلباسى مەن مەملەكەت باسشىسىنا العىسىن ءبىلدىردى، اسقار يسابەك ۇلىنىڭ ىسكەرلىگىنە توقتالىپ، وڭىردە قولعا الىنعان ىرگەلى ىستەر مەن جارقىن جوبالار جالعاسا بەرەتىنىن ايتتى.