بۇل تۋرالى Qamshy.kz اقپارات اگەنتتىگى polisia.kz دەرەگىن نەگىزگە الا وتىرىپ حابارلايدى.
12 اقپان كۇنى ساعات 18:28-دە نۇر-سۇلتان قالاسىنىڭ پد جەدەل باسقارۋ ورتالىعىنا Mega Silk Way ويىن-ساۋىق ورتالىعىندا 1985 جىلى دۇنيەگە كەلگەن تۇركيا ازاماتىنىڭ ىشىمدىككە ماستانىپ، ءوزىن پىشاقپەن جاراقاتتاماق بولعانى جايلى حابارلاما جەتكەن.
ىلە-شالا وقيعانىڭ قالاي بولعانى تۋرالى ۆيدەو الەۋمەتتىك جەلىدە تاراپ كەتتى.
ءوز كەزەگىندە شەتەل ازاماتىنىڭ قوعامدىق ورىنداعى بۇل ارەكەتى جەلى قولدانۋشىلاردىڭ اشۋ-ىزاسىن تۋدىرماي قويمادى. ولار مۇنداي باسسىزدىققا قاراپايىم حالىق كوپ جۇرەتىن قوعامدىق ورىنداردا جول بەرىلمەۋى كەرەكتىگىن، كوبىنە وسىنداي وقيعالارعا قازاقستانعا ءار ءتۇرلى سەبەپتەرمەن كەلەتىن شەتەل ازاماتتارىنىڭ قاداعالانباۋى سەبەپ بولاتىنىن ايتادى.
ابىروي بولعاندا وقيعا ورنىندا بولعان ادامدار ونىڭ قولىنداعى پىشاقتى تارتىپ العان. ناتيجەسىندە، اينالاسىنداعى ۇرەيلەنگەن قالا تۇرعىندارىنىڭ قاۋىپسىزدىگىن قامتاماسىز ەتىلگەن.
قازىرگى ۋاقىتتا ول ق ر زاڭناماسىنا سايكەس جاۋاپقا تارتىلۋدا. ءتىپتى، ەل اۋماعىندا قاراپايىم تۇرعىندار ومىرىنە ءقاۋىپ توندىرگەن شەتەل ازاماتىن ەلدەن شىعارۋ ماسەلەسى دە قارالىپ جاتىر.
وسى رەتتە، قالالىق پوليسيا ءبولىمى ءقاۋىپتى ازاماتتىڭ قولىنان دەر كەزىندە سۋىق قارۋدى تارتىپ الىپ، اينالاسىنداعى ادامداردىڭ قاۋىپسىزدىگىن قامتاماسىز ەتكەن جاندارعا العىس ءبىلدىردى.
پىكىر قالدىرۋ