شقو اكىمى دانيال احمەتوۆ سيفرلى تەحنولوگيالاردى پايدالانۋ ەسەبىندە جۇرگىزىلەتىن مەملەكەتتىك باسقارۋدى ارتتىرۋدىڭ ماڭىزىن ايتتى.

ءوڭىر باسشىسى بىلتىر ءبىرىڭعاي مەكەمەارالىق جاعدايات ورتالىعى ىسكە قوسىلعانىن اتادى. ونىڭ باستى ۇتىمدى تۇسى – اقپاراتتىق جۇيەلەردىڭ ءوزارا ارەكەتىنە كەشەندى توقتالاتىنىندا. ورتالىق جول قوزعالىسى قاۋىپسىزدىگىن، قوعامدىق ءتارتىپتى، توتەنشە جانە كوممۋنالدى قىزمەتتىڭ جۇمىستارىن قامتاماسىز ەتەدى.

ونىڭ قۇرىلىمىنا جاعداياتتىق جانە ينۆەستيسيالىق ورتالىقتار، «سەرگەك» فوتو-ۆيدەو جۇيەسى قوسىلعان جەدەل اقپارات ورتالىعى، «109» قىزمەتىنىڭ «قوعامدىق ءتارتىپ» بەينەباقىلاۋ جۇيەسى، 112 ءبىرىڭعاي كەزەكشى-ديسپەچەرلىك قىزمەتى كىرەدى. ورتالىقتار ارقاسىندا 3 مىڭنان اسا كورسەتكىشتەر جينالىپ، 20 جۇيە ارالىق ينتەگراسيا ۇيىمداستىرىلدى.

مۇنىمەن قوسا، قوعامدىق قابىلداۋ بازاسىندا ازاماتتاردىڭ ساۋالناماسىن قابىلداۋ بويىنشا ءبىرىڭعاي قىزمەتتەر پلاتفورماسى جۇمىس ىستەيدى. SMS-حابارلاندىرۋ ارقىلى باعالاۋ جۇيەسى ەنگىزىلگەن.

ازاماتتاردىڭ ىڭعايى ءۇشىن وسكەمەن مەن سەمەي قالالارىنداعى ينجەنەرلىك-بايلانىس ينفراقۇرىلىمى كورسەتىلگەن بوس جەرلەردىڭ ەلەكتروندى كارتاسى دايىندالدى. ريددەر مەن شەمونايحا، زايسان، اياگوز، التاي جانە سەرەبريانسك سىندى شاعىن قالالاردىڭ كارتالارى رەسميلەندى.