وسىدان بۇرىن جازعانىمىزداي وبلىس اكىمىنىڭ حالىققا ەسەپ بەرۋ جيىنىندا تالدىقورعان قالاسىنىڭ تۇرعىنى ءوڭىر اكىمىنە شاعىمدانعان بولاتىن.
وندا ول اسحات مەيرامعالي ۇلىنىڭ وزىنە ايتقان "اماندىق باتالوۆقا كىرسەڭىز بولدى، ماسەلە شەشىلەدى دەپ ويلايسىز با؟» دەگەن ءسوزىن دايەك ەتە وتىرىپ ءوز ماسەلەسىنىڭ ءالى كۇنگە دەيىن شەشىلمەي كەلە جاتقانىن جەتكىزگەن. دالىرەك ايتقاندا، ءتورت بالاسى بار جالعىزباستى انا اتا-اناسىنان مۇراعا قالعان پاتەردى راسىمدەي الماي ءجۇر.
وسى رەتتە، قولاستىنداعى شەنەۋنىكتىڭ جاۋاپسىزدىعىنا اشۋلانعان اماندىق باتالوۆ: «ماعان «دەماگوگ» كەرەك ەمەس. ارىزىڭدى جاز دا، بار...مەن كەشە بايقاعانمىن. حالىق ماعان كەلگەندە، ول ءجوندى جاۋاپ تا بەرە العان جوق. مۇنداي ادامدى «دەماگوگ» دەپ اتايدى. دەماگوگ كەرەك ەمەس. ارىزىن جازسىن. سودان كەيىن مىنا كىسىنىڭ ماسەلەسىن شەشىپ بەرىڭدەر»، - دەگەن ەدى.
الايدا، الماتى وبلىسى اكىمىنىڭ باسپا ءسوز حاتشىسى عالىمۇرات جۋكەل سىنعا قالعان شەنەۋنىكتىڭ قىزمەتىنەن كەتپەيتىنىن، قالياسقاروۆقا كوپبالالى انالار اراشا تۇسكەنىن جەتكىزدى:
«ول ارىز جازبادى. ەسەپ بەرۋ كەزدەسۋىنەن كەيىن، كوپبالالى انالار بىزگە حابارالسىپ، ءوتىنىش ايتتى، ءبىر تۇرعىننىڭ ارىزى بۇكىل حالىقتىڭ پىكىرى ەمەس دەدى. انالار الەۋمەتتىك جەلىلەرگە جانە وبلىس اكىمىنە جەكە-جەكە حات جازىپ، قالا ورىنباسارىن ورنىندا قالدىرۋدى سۇرادى. تۇرعىنداردىڭ پىكىرىنشە، قالياسقاروۆ كوپبالالى انالارمەن جاقسى جۇمىس ىستەيدى. وسىعان بايلانىستى ونى جۇمىس ورنىندا قالدىرۋ تۋرالى شەشىم قابىلداندى، ءبىراق بۇدان بىلاي ەشكىم ونىڭ جۇمىسىنا شاعىمدانباۋى ءۇشىن وعان ەسكەرتۋ جاسالدى»، - دەدى الماتى وبلىسى اكىمىنىڭ باسپا ءسوز حاتشىسى عالىمۇرات جۇكەل.
وقي وتىرىڭىز: "ماعان «دەماگوگ» كەرەك ەمەس": باتالوۆ ەسەبىنەن سوڭ تالدىقورعان قالاسى اكىمىنىڭ ورىنباسارىن جۇمىستان شىعارۋدى تاپسىردى
پىكىر قالدىرۋ