"دەمپارتيا" قۇرۋعا ىنتالى باستاماشىل توپ جەتەكشىسى، وپپوزيسياداعى بەلسەندى جانبولات ماماي  ازاماتتاردى 22 اقپان كۇنى الماتىداعى "استانا" الاڭىنا كەلۋگە شاقىردى. بۇل تۋرالى ول ءوزىنىڭ Facebook جانە Youtube جەلىسىندەگى پاراقشالارىندا حابارلادى. 

"ساياسي تۇتقىنداردى بوساتۋدى، ساياسي رەفورمالار جۇرگىزۋدى جانە قوردايدا بولعان قاقتىعىستى وبەكتيۆتى زەرتتەۋدى تالاپ ەتەتىن ميتينگى الماتى قالاسىندا 22 اقپان كۇنى ساعات 11:00-دە «استانا» الاڭىندا (تولە بي مەن ابىلاي حان كوشەلەرىنىڭ قيىلىسى) وتەدى. بارلىعىمىز ءبىر جۇدىرىق بولىپ، ميتينگىگە شىعايىق، اعايىن!" دەپ جازدى ماماي Facebook پاراقشاسىندا. 

ماماي الداعى ۋاقىتتا پارتيانىڭ سەزدىن قايتا بەلگىلەيتىندەرىن دە مالىمدەدى.

"ءبىزدىڭ قولىمىزدى ءبىر مىڭنان استام ادامنىڭ ءتىزىمى دايىن تۇر. ميتينگىدەن سوڭ سول ءتىزىمدى قايتادان ادىلەت مينيسترلىگىنە تاپسىرىپ، دەموكراتيالىق پارتيانىڭ سەزىن قايتا بەلگىلەيمىز. وسى جولى حالىق كوپ شىعىپ، جان جاقتان بۇل بيلىكتى قىسپاققا الساق، مۇنداي ارانداتۋلار ەندى قايتالانبايدى دەپ سانايمىن! بۇل تالاپتى بيلىككە اشىق قويۋ كەرەك!" دەدى ماماي. 

كەشە، 19 اقپاندا ماماي باستاعان "دەمپارتيا" وكىلدەرى 22 اقپانعا جوسپارلانعان قۇرىلتاي سەزد وتپەيتىنىن، ونىڭ ورنىنا سول كۇنى ميتينگىگە شىعاتىنىن ايتقان ەدى.