قازاقستانداعى دەسترۋكتيۆتى ءدىني اعىمداعىلار باسقا ادامداردى ءوز قاتارلارىنا تارتۋ ءۇشىن تاكسي قىزمەتكەرلەرىمەن دە تىعىز بايلانىس ورناتۋدى باستاعان، دەپ حابارلادى استانا تەلەارناسى.
جات اعىمداعى ادامدار اۆتوكولىكتەردى جالعا الىپ، تاكسي قىزمەتكەرىنىڭ ءرولىن اتقارۋ ارقىلى ءوز قۇرباندارىن ىزدەيدى ەكەن. كولىككە مىنگەن ادامعا رۋحاني قۇندىلىقتار تۋرالى اڭگىمە ايتىپ، ادىلەتتىك تۋرالى ءسوز قوزعايدى. دىتتەگەن جەرىنە جەتكەن كەزدە جول اقىسىن ازداۋ سۇراپ، الگى جولاۋشىنىڭ ءنومىرىن الىپ قالۋعا ارەكەت ەتەدى.
الەۋمەتتىك جەلىنى كوپ قولداناتىن ادامعا سىرتقى ورتادان از كوڭىل بولىنەدى. ال ولار جەتكىلىكتى دارەجەدە ادامعا كوڭىل ءبولۋ ارقىلى، ادام ساناسىن ۋلايدى. وسىنداي ارەكەتتەرگە بەرىلگەن قازاق قىزدارى سيرياداعى ەرلەرمەن حات الىسقاننان كەيىن، بىردەن سول جاققا كەتىپ قالادى.
مامانداردىڭ ايتۋىنشا، جات ءدىني اعىم وكىلدەرى ادامداردى وزدەرىنە تارتۋ ءۇشىن جىل سايىن جاڭا ءبىر ءادىس-تاسىل ويلاپ تابادى ەكەن.
پىكىر قالدىرۋ