كوروناۆيرۋسقا بايلانىستى قىتايدان كەلگەن 500-دەن استام قىزمەتكەر جۇمىس ورىندارىنا كەلە الماي وتىر. بۇل تۋرالى ەنەرگەتيكا ءمينيسترى نۇرلان نوعايەۆ  دەپارتامەنت القاسىنان كەيىن مالىمدەدى.

– بىزدە جەر قويناۋىن پايدالانۋعا ارنالعان 260 كەلىسىمشارت بار، 800 گە جۋىق مامان وسى مۇناي-گاز كومپانيالارىندا جۇمىس ىستەيدى. ولاردىڭ 350ء-ى كوروناۆيرۋستىڭ اسەرىنەن قازاقستانعا كىرە الماي وتىر، – دەدى نوعايەۆ.

سونىمەن قاتار، اتىراۋ وبلىسىندا پوليپروپيلەن ءوندىرىسى جوباسى جۇزەگە اسىرىلۋدا، وعان 400 جۇڭگو ازاماتى تارتىلعان.

– بۇگىندە 161 جۇڭگو ازاماتى ەلگە كىرە المايدى. ءبىراق جەرگىلىكتى اتقارۋشى ورگاندارى مەن ەڭبەك جانە حالىقتى الەۋمەتتىك قورعاۋ مينيسترلىگى ىشكى مۇمكىندىكتەرىمىزدى پايدالانۋدى قامتاماسىز ەتۋ ءۇشىن شارالار قولدانۋدا، – دەپ ايتتى ەنەرگەتيكا ءمينيسترى.

ەسكە سالا كەتسەك، بۇعان دەيىن قىتايلىق گاز كومپانيالارىنىڭ ءبىر بولىگى فورس-ماجور دەپ جاريالاپ، گاز باعاسى ارزانداعانى تۋرالى حابارلانعان بولاتىن. جۇڭگو سونىمەن بىرگە مۇناي يمپورتىن قىسقارتتى، ءبىراق بۇل باعانىڭ تومەندەۋىنە اكەلدى.