قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى facebook پاراقشاسىندا كوروناۆيرۋستىڭ تارالۋىنىڭ الدىن الۋ ماقساتىندا 5 ناۋرىزدان باستاپ ازەربايجان مەن يراننان كەلەتىن، ادامدار مەن اۆتوكولىك قۇرالدارىن جۇرگىزۋشىلەرمەن تاسىمالدايتىن تەڭىز كەمەلەرىنە اقتاۋ جانە قۇرىق پورتتارىندا قىزمەت كورسەتۋدىڭ ۋاقىتشا توقتاتىلاتىنىن حابارلادى.
شەتەلدىك جۇك كەمەلەرىنىڭ ەكيپاجدارى ءۇشىن اقتاۋ جانە قۇرىق پورتتارىندا كەمەلەردەن شىعۋعا شەكتەۋ قويىلادى.
سانيتارلىق-ەپيدەميولوگيالىق قىزمەتتەر حالىقارالىق تاسىمالداردى جۇزەگە اسىراتىن قازاقستاندىق كەمەلەر ەكيپاجدارىنىڭ مۇشەلەرى پورتتاردا اۋىسقان كەزدە ولارعا باقىلاۋدى كۇشەيتەتىن بولادى.
قابىلداناتىن شارالار تۋرالى اقپارات كاسپيي ماڭى مەملەكەتتەرىنىڭ تەڭىز اكىمشىلىكتەرىنە جەتكىزىلمەك.
